ഫത്തോർഡ : ഇന്ത്യൻ സൂപ്പർ ലീഗിൽ മുംബൈ സിറ്റി എഫ്.സി എടികെ മോഹൻ ബഗാൻ മത്സരം സമനിലയിൽ. വാശിയേറിയ പോരാട്ടത്തിൽ ഇരുവരും ഓരോ ഗോളുകൾ വീതം നേടിയാണ് സമനിലയിൽ പിരിഞ്ഞത്. ആദ്യ പകുതിയിലാണ് ഇരു ഗോളുകളും പിറന്നത്.
മത്സരത്തിന്റെ മൂന്നാം മിനിട്ടിൽ തന്നെ മോഹന് ബഗാന് വേണ്ടി ഡേവിഡ് വില്യംസ് ലക്ഷ്യം കണ്ടു. ഹ്യൂഗോ ബൗമോസിന്റെ മനോഹരമായ പാസ് വില്യംസ് ലക്ഷ്യത്തിലെത്തിക്കുകയായിരുന്നു. എന്നാൽ 24-ാം മിനിട്ടിൽ മുംബൈ സിറ്റി സമനില നേടി. പ്രീതം കോട്ടാലിന്റെ സെല്ഫ് ഗോളാണ് മുംബൈക്ക് തുണയായത്.