ബാഴ്‌സലോണ: ബയേണ്‍ മ്യൂണിക്കിന്‍റെ സൂപ്പര്‍ താരം റോബര്‍ട്ട് ലെവന്‍ഡോവ്‌സ്‌കിയെ സ്പാനിഷ് വമ്പന്മാരായ ബാഴ്‌സലോണ സ്വന്തമാക്കിയതായി റിപ്പോര്‍ട്ട്. 50 മില്യണ്‍ യൂറോയ്ക്കാണ് 33കാരനായ പോളിഷ് താരത്തെ ബാഴ്‌സലോണ സ്വന്തമാക്കിയത്. മൂന്ന് വര്‍ഷത്തേക്കുള്ള കരാര്‍ വൈകാതെ തന്നെ ഒപ്പുവെക്കും.
ലെവന്‍ഡോവ്‌സ്‌കിക്കായുള്ള ബാഴ്‌സയുടെ ഓഫര്‍ ബയേണ്‍ അംഗീകരിച്ചതായി പ്രമുഖ സ്‌പോര്‍ട്‌സ് മാധ്യമ പ്രവര്‍ത്തകനായ ഫാബ്രിസോ റാമാനോ ട്വീറ്റ് ചെയ്‌തു. 2023വരെ ജര്‍മന്‍ ക്ലബ്ബുമായി പോളിഷ് താരത്തിന് കരാറുണ്ട്. എന്നാല്‍ കഴിഞ്ഞ ഫെബ്രുവരി മുതല്‍ തന്നെ ബാഴ്‌സയിലേക്ക് ചേക്കേറാനുള്ള ആഗ്രഹം താരം പ്രകടിപ്പിച്ചിരുന്നു.