ടൂറിന്‍: എടിപി ഫൈനല്‍സ് ടെന്നീസില്‍ ലോക രണ്ടാം നമ്പര്‍ താരം റാഫേൽ നദാലിന് തോല്‍വിത്തുടക്കം. ഗ്രൂപ്പ് ഘട്ടത്തിലെ ആദ്യ മത്സരത്തില്‍ അമേരിക്കയുടെ ടെയ്‌ലർ ഫ്രിറ്റ്‌സാണ് 36കാരനായ സ്‌പാനിഷ്‌ താരത്തെ അട്ടിമറിച്ചത്. നേരിട്ടുള്ള സെറ്റുകള്‍ക്കാണ് 25കാരനായ ടെയ്‌ലർ ഫ്രിറ്റ്സ് മത്സരം പിടിച്ചത്.
എടിപി ഫൈനല്‍സ്: അട്ടിമറി വിജയവുമായി ഫ്രിറ്റ്സ്; റാഫേൽ നദാലിന് തോല്‍വിത്തുടക്കം
എടിപി ഫൈനല്‍സ് ഗ്രൂപ്പ് ഘട്ടത്തിലെ ആദ്യ മത്സരത്തില്‍ അമേരിക്കയുടെ ടെയ്‌ലർ ഫ്രിറ്റ്‌സിനോട് തോല്‍വി വഴങ്ങി റാഫേൽ നദാല്‍.
എടിപി ഫൈനല്‍സ്: അട്ടിമറി വിജയവുമായി ഫ്രിറ്റ്സ്; റാഫേൽ നദാലിന് തോല്‍വിത്തുടക്കം
കനത്ത പോരാട്ടം കണ്ട ആദ്യ സെറ്റ് ടൈ ബ്രേക്കറിലൂടെയാണ് ഫ്രിറ്റ്സ് നേടിയത്. രണ്ടാം സെറ്റില്‍ ഫിറ്റ്‌സിന് കാര്യമായ വെല്ലുവിളിയാവാന്‍ നദാലിന് കഴിഞ്ഞില്ല. സ്‌കോര്‍: 7-6(7/3), 6-1.
ഗ്രൂപ്പിലെ മറ്റൊരു മത്സരത്തില്‍ നോർവേയുടെ ലോക നാലാം നമ്പറായ കാസ്‌പർ റൂഡ് വിജയം പിടിച്ചു. കാനഡയുടെ ഓഗർ-അലിയാസിമിനെയാണ് റൂഡ് തോല്‍പ്പിച്ചത്. ഒരുമണിക്കൂര്‍ 51 മിനിട്ട് നീണ്ട് നിന്ന മത്സരത്തില്‍ ഏകപക്ഷീയമായ രണ്ട് സെറ്റുകള്‍ക്കാണ് നോർവേ താരത്തിന്‍റെ വിജയം. സ്‌കോര്‍: 7-6 (7/4), 6-4.