എറണാകുളം: കേരള ബ്ലാസ്‌റ്റേഴ്‌സില്‍ നിന്ന് രണ്ട് താരങ്ങള്‍ കൂടി ക്ലബ് വിട്ടു. കഴിഞ്ഞ സീസണുകളില്‍ ടീമിന്‍റെ ഭാഗമായിരുന്ന ഗോള്‍കീപ്പര്‍ ആല്‍ബിനോ ഗോമസും, സെയ്ത്യാസെൻ സിങുമാണ് ഇന്ന് ടീം വിട്ടത്. കരാര്‍ കാലാവധി അവസാനിച്ചതോടെയാണ് ഇരുവരുടെയും കരാര്‍ പുതുക്കേണ്ടെന്ന തീരുമാനത്തിലേക്ക് ക്ലബ് മാനേജ്‌മെന്‍റ് എത്തിയത്.
അല്‍വാരോ വാസ്‌ക്വെസ്, വിന്‍സി ബാരെറ്റോ, ചെഞ്ചോ ഗ്യൽഷനെ എന്നിവര്‍ നേരത്തെ ക്ലബ് വിട്ടിരുന്നു. ബ്ലാസ്‌റ്റേഴ്‌സിന്‍റെ ഒന്നാം നമ്പര്‍ ഗോള്‍കീപ്പറായിരുന്ന ആല്‍ബിനൊയ്‌ക്ക് കഴിഞ്ഞ സീസണില്‍ പരിക്കേറ്റതിനെ തുടര്‍ന്ന് ഭൂരിഭാഗം മത്സരങ്ങളും നഷ്‌ടമായിരുന്നു. 2020ല്‍ ഒഡീഷ എഫ്‌ സിയില്‍ നിന്നാണ് താരം കേരള ബ്ലാസ്‌റ്റേഴ്‌സിലേക്ക് എത്തിയത്.