ലണ്ടന്‍ : ഇതിഹാസ പാകിസ്ഥാൻ ക്രിക്കറ്റര്‍ സഹീർ അബ്ബാസ് (74) ഐസിയുവില്‍. കൊവിഡ് ബാധിതനായതിന് പിന്നാലെ ആരോഗ്യനില വഷളായതിനെ തുടര്‍ന്നാണ് അബ്ബാസിനെ ഐസിയുവില്‍ പ്രവേശിപ്പിച്ചത്. ലണ്ടനിലെ സെന്‍റ് മേരീസ് ഹോസ്പിറ്റലിലാണ് താരത്തെ പ്രവേശിപ്പിച്ചതെന്ന് ക്രിക്കറ്റ് പാകിസ്ഥാൻ അറിയിച്ചു.
യുഎഇയിൽ നിന്ന് ലണ്ടനിലേക്കുള്ള യാത്രയ്ക്കിടെയാണ് അബ്ബാസിന് കൊവിഡ് സ്ഥിരീകരിച്ചത്. ഏതാനും ദിവസങ്ങൾക്കുമുമ്പ് കിഡ്‌നി സംബന്ധമായ വേദനയെ തുടർന്ന് ആശുപത്രിയിൽ എത്തിച്ചിരുന്നു. പിന്നാലെ ന്യുമോണിയയും സ്ഥിരീകരിച്ചു.