അഡ്‌ലെയ്‌ഡ്: ഓസ്‌ട്രേലിയന്‍ ടെസ്റ്റ് ടീം നായകന്‍ ടിം പെയിന്‍ ഉള്‍പ്പെടെയുള്ള താരങ്ങള്‍ ഐസോലേഷനില്‍. ഓസ്‌ട്രേലിയയിലെ അഡ്‌ലെയ്‌ഡില്‍ കൊവിഡ് 19 കേസുകള്‍ വര്‍ധിച്ച സാഹചര്യത്തിലാണ് താരങ്ങള്‍ ഐസൊലേഷനില്‍ പ്രവേശിച്ചത്. നവംബര്‍ 27 മുതല്‍ ഇന്ത്യ-ഓസ്‌ട്രേലയ പരമ്പരകള്‍ ആരംഭിക്കാനിരിക്കെ കൊവിഡ് വ്യാപനം സ്ഥിരീകരിച്ചത് ക്രിക്കറ്റ് ആരാധകരെ ആശങ്കയിലാക്കുന്നുണ്ട്.
ഏകദിന പരമ്പരയിലെ ആദ്യ രണ്ട് മത്സരങ്ങള്‍ സിഡ്‌നിയിലും അവസാനത്തെ മത്സരം കാന്‍ബറയിലുമാണ് നടക്കുക. പടിഞ്ഞാറന്‍ ഓസ്ട്രേലിയ, ടാസ്‌മാനിയ, ഉത്തരമേഖല എന്നിവിടങ്ങളില്‍ അഡ്‌ലെയ്‌ഡുമായി അതിര്‍ത്തി പങ്കിടുന്ന പ്രദേശങ്ങളിലൂടെ പ്രവശനം നിരോധിച്ചിട്ടുണ്ട്. അഡ്‌ലെഡ്‌യില്‍ നിന്നും എത്തുന്നവര്‍ക്ക് ദക്ഷിണ ഓസ്‌ട്രേലിയന്‍ പ്രവിശ്യ അധികൃതര്‍ 14 ദിവസത്തെ ക്വാറന്‍റൈനും നിര്‍ദ്ദേശിച്ചിട്ടുണ്ട്.