ദുബായ്:ഏഷ്യ കപ്പ് ക്രിക്കറ്റ് സൂപ്പര്‍ ഫോര്‍ പോരാട്ടത്തില്‍ പാകിസ്ഥാനെതിരെ ഇന്ത്യ ബാറ്റ് ചെയ്യുന്നു. ടോസ് നേടിയ പാകിസ്ഥാന്‍ ക്യാപ്‌റ്റന്‍ ബാബര്‍ അസം ബോളിങ് തെരഞ്ഞെടുക്കുകയായിരുന്നു. മൂന്ന് മാറ്റങ്ങളുമായാണ് ഇന്ത്യ ഇന്ന് ഇറങ്ങിയത്.
ഹോങ്കോങ്ങിനെതിരായ മത്സരത്തില്‍ കളിക്കാതിരുന്ന ഓള്‍റൗണ്ടര്‍ ഹാര്‍ദിക് പാണ്ഡ്യ ടീമില്‍ മടങ്ങിയെത്തി. അവസാന മത്സരത്തിലിറങ്ങിയ ദിനേശ് കാര്‍ത്തിക്, ആവേശ് ഖാന്‍ എന്നിവരെ ഒഴിവാക്കിയാപ്പോള്‍ ദീപക് ഹൂഡ, രവി ബിഷ്‌ണോയ് എന്നിവര്‍ക്ക് അവസാന പതിനൊന്നില്‍ ഇടം നേടാനായി.
പരിക്കേറ്റ പേസര്‍ ഷാനവാസ് ദഹാനിക്ക് പകരം മൊഹമ്മദ് ഹസ്നൈന്‍ പാകിസ്ഥാന്‍ നിരയിലേക്ക് എത്തി. ഒരാഴ്‌ചയ്ക്കിടെ ഇത് രണ്ടാം തവണയാണ് ഇരുടീമുകള്‍ മുഖാമുഖമെത്തുന്നത്. ഗ്രൂപ്പ് ഘട്ടത്തില്‍ പാകിസ്ഥാനെ തോല്‍പ്പിച്ച ആത്മവിശ്വാസം ഇന്ത്യയ്‌ക്കുണ്ട്. ഈ തോല്‍വിക്ക് കടം വീട്ടാനാവും പാകിസ്ഥാന്‍റെ ശ്രമം.