മുപ്പത്തിയെട്ടാം പിറന്നാള്‍ ആഘോഷിക്കുന്ന നടന്‍ പൃഥ്വിരാജിന് പിറന്നാള്‍ ആശംസകള്‍ നേരുകയാണ് തെന്നിന്ത്യയിലെ സിനിമാപ്രവര്‍ത്തകരും താരത്തിന്‍റെ സുഹൃത്തുക്കളും ആരാധകരും. കൊവിഡിന്‍റെ പശ്ചാത്തലത്തില്‍ ചെറിയ രീതിയിലുള്ള ആഘോഷങ്ങളാണ് താരത്തിന്‍റെ ആരാധകര്‍ നടത്തുന്നത്.
മോഹന്‍ലാല്‍, രഞ്ജിത്ത്, ഇന്ദ്രജിത്ത് സുകുമാരന്‍, പൂര്‍ണിമ, നസ്രിയ, അജു വര്‍ഗീസ്, നയന്‍താര, ഉണ്ണിമുകുന്ദന്‍, ജയസൂര്യ എന്നിവരെല്ലാം പിറന്നാള്‍ ആശംസകളുമായി എത്തിയിട്ടുണ്ട്. വലിയ വലിയ സിനിമകള്‍ ചെയ്‌ത് ഏറ്റവും വലിയൊരു ആളാവാന്‍ തന്‍റെ പ്രാര്‍ഥനയുണ്ടാവും എന്നാണ് മോഹന്‍ലാല്‍ പിറന്നാള്‍ ആശംസകള്‍ നേര്‍ന്നുകൊണ്ട് പറഞ്ഞത്.
പ്രിയപ്പെട്ട രാജുവിന് ഒരു വയസ് കൂടി കുറഞ്ഞുവെന്നറിഞ്ഞു എന്ന് പറഞ്ഞുകൊണ്ടാണ് നന്ദനം സിനിമയുടെ അമരക്കാരനായ രഞ്ജിത് പൃഥ്വിരാജിന് ആശംസയറിയിച്ചത്.