ക്ലബ്ഹൗസില്‍ തന്‍റെ പേരില്‍ പ്രചരിച്ച വ്യാജ അക്കൗണ്ടിനെതിരെ നടന്‍ പൃഥ്വിരാജ് വീണ്ടും രംഗത്ത്. താരത്തിന്‍റെ പേരും ഇന്‍സ്റ്റഗ്രാം ഐഡിയും ഉപയോഗിച്ച്‌ വ്യാജ പ്രൊഫൈല്‍ ഉണ്ടാക്കി ചാറ്റ് റൂം സൃഷ്ടിച്ചാണ് ആളുകളെ തെറ്റിദ്ധരിപ്പിക്കുന്നതെന്ന് നടന്‍ പുതിയ സോഷ്യല്‍മീഡിയ പോസ്റ്റില്‍ വ്യക്തമാക്കി.
താരത്തിന്‍റെ അതേ ശബ്ദത്തില്‍ ഓഡിയോകള്‍ പ്രത്യക്ഷപ്പെട്ടതോടെ 1800 ഓളം ആളുകള്‍ തെറ്റിദ്ധരിച്ച്‌ ചാറ്റ് റൂമില്‍ എത്തിയിട്ടുമുണ്ട്. ചാറ്റ് റൂമില്‍ താരത്തിന്‍റെ ശബ്ദം അനുകരിച്ച്‌ സിനിമ വിശേഷങ്ങളും പങ്കുവെച്ചിട്ടുണ്ട്. ഇതിനിടെ തട്ടിപ്പ് മനസിലായി ഒരാള്‍ ചോദ്യം ചെയ്‌തതോടെയാണ് കള്ളി വെളിച്ചതായത്.