Driving Licence hindi remake: 'ഡ്രൈവിങ്‌ ലൈസന്‍സ്‌' ഹിന്ദി റീമേക്ക്‌ ചിത്രീകരണം ആരംഭിച്ചു. 'സെല്‍ഫി' എന്നാണ് ചിത്രത്തിന് പേരിട്ടിരിക്കുന്നത്‌. സിനിമയുടെ ചിത്രീകരണം ഉടന്‍ ആരംഭിക്കുമെന്ന്‌ പ്രഖ്യാപിച്ചു കൊണ്ട്‌ ഒരു അനൗന്‍സ്‌മെന്‍റ്‌ വീഡിയോയും അണിയറപ്രവര്‍ത്തകര്‍ പുറത്തുവിട്ടിട്ടുണ്ട്‌.
Selfiee shooting starts: സെല്‍ഫി ചിത്രീകരണം ആരംഭിച്ച വിവരം പൃഥ്വിരാജ്‌ തന്‍റെ ഫേസ്‌ബുക്ക്‌ പേജില്‍ പങ്കുവച്ചിട്ടുണ്ട്‌. അക്ഷയ്‌ കുമാര്‍ തന്‍റെ ഔദ്യോഗിക ട്വിറ്റര്‍ പേജിലൂടെ ചിത്രീകരണം തുടങ്ങിയ വിവരം പങ്കുവച്ചു. ഒരു വീഡിയോ പങ്കുവച്ചു കൊണ്ടാണ് താരം ഇക്കാര്യം അറിയിച്ചിരിക്കുന്നത്‌.
രാജ്‌ മെഹ്‌തയാണ് സംവിധാനം. ലിസ്‌റ്റിന്‍ സ്‌റ്റീഫന്‍റെ മാജിക്‌ ഫ്രെയിംസ്‌, കരണ്‍ ജോഹറിന്‍റെ ധര്‍മ്മ പ്രൊഡക്ഷന്‍സ്‌, അക്ഷയ്‌ കുമാറിന്‍റെ കേപ്‌ ഓഫ്‌ ഗുഡ്‌ ഫിലിംസ്‌ എന്നിവയ്‌ക്കൊപ്പം പൃഥ്വിരാജിന്‍റെ ഉടമസ്ഥതയിലുള്ള പൃഥ്വിരാജ്‌ പ്രൊഡക്ഷന്‍സ്‌ ആണ് ചിത്രത്തിന്‍റെ നിര്‍മാണം. പൃഥ്വിരാജ്‌ പ്രൊഡക്ഷന്‍സിന് നിര്‍മാണ പങ്കാളിത്തമുള്ള ആദ്യ ബോളിവുഡ്‌ ചിത്രം കൂടിയാണ് 'സെല്‍ഫി'.