ന്യൂഡൽഹി: കാമുകന്‍റെ മൃതദേഹം സ്യൂട്ട്കേസിൽ കൊണ്ടുപോകുന്നതിനിടെ യുവതിയെ പൊലീസ് പിടികൂടി. തിലമൂർ പൊലീസിന്‍റെ തുളസിനികേതൻ ഏരിയയിൽ ആണ് സംഭവം. പ്രീതി ശർമ എന്ന യുവതി തന്‍റെ ഭർത്താവ് ദീപക്കുമായി ബന്ധം പിരിഞ്ഞ ശേഷം ഫിറോസ് എന്നയാളുമായി നാല് വർഷത്തോളമായി ലിവ് ഇൻ ബന്ധത്തിലായിരുന്നു.
എന്നാൽ അയാൾ വിവാഹം കഴിക്കാൻ നിരസിച്ചതിനാൽ യുവതി കാമുകനായ ഫിറോസിനെ കഴുത്തറുത്ത് കൊലപ്പെടുത്തുകയായിരുന്നു എന്ന് പൊലീസ് പറയുന്നു. ഫിറോസ് തന്നെ വിവാഹം കഴിക്കാം എന്ന് പറഞ്ഞത് പ്രകാരമാണ് സ്വന്തം ഭർത്താവിൽ നിന്നും വിവാഹ മോചനം വാങ്ങിയതെന്നും ഫിറോസിനോടൊപ്പം ജീവിക്കാൻ ആരംഭിച്ചതെന്നും അന്വേഷണത്തിൽ യുവതി പറഞ്ഞു. മൃതദേഹം സ്വയം മറവ് ചെയ്യാനായിരുന്നു യുവതിയുടെ ഉദ്ദേശം.