പത്തനംതിട്ട: വീട്ടിൽ സൂക്ഷിച്ചിരുന്ന വിദേശമദ്യവും നിരോധിത പുകയില ഉത്പന്നങ്ങളും പത്തനംതിട്ട എക്‌സൈസ് സ്‌പെഷല്‍ സ്‌ക്വാഡ് പിടികൂടി. പന്തളം കുളനട ചാങ്ങിഴേത്ത് കിഴേക്കേതില്‍ മധുസൂദനന്‍റെ വീട്ടില്‍ നിന്നാണ് ചൊവ്വാഴ്‌ച 66 കുപ്പി വിദേശ മദ്യവും നിരോധിത പുകയില ഉത്പന്നങ്ങളും പിടികൂടിയത്. മധുസൂദനനെ എക്‌സൈസ് അറസ്റ്റ് ചെയ്‌തു.
ഒരു ലിറ്ററിന്‍റെ 16 കുപ്പി, 375 മില്ലിയുടെ 50 കുപ്പി, 100 പാക്കറ്റ് നിരോധിത പുകയില ഉത്പന്നങ്ങള്‍ എന്നിവയാണ് പിടിച്ചെടുത്തത്. കര്‍ണാടകയില്‍ മാത്രം വില്ക്കാന്‍ അനുമതിയുള്ള വിദേശ മദ്യമാണ് പിടിച്ചെടുത്തതെന്ന് എക്‌സൈസ് ഉദ്യോഗസ്ഥർ പറഞ്ഞു.