തൃശൂർ: ആറ് കോടി രൂപ ചെലവില്‍ പത്തര കിലോ തങ്കം ഉപയോഗിച്ച് തൃശൂർ പാറമേക്കാവ് ക്ഷേത്രത്തിലെ സ്വർണ ധ്വജ പ്രതിഷ്‌ഠയ്ക്കുള്ള ഒരുക്കങ്ങൾ അവസാനഘട്ടത്തിൽ. ക്ഷേത്രത്തിൽ നടന്ന ദേവ പ്രശ്‌ന വിധി പ്രകാരമാണ് കൊടിമരം സ്ഥാപിക്കുന്നത്. ഈ മാസം ഏഴിന് കൊവിഡ് മാനദണ്ഡങ്ങള്‍ പാലിച്ച് ആഘോഷങ്ങളോടെ ധ്വജ പ്രതിഷ്‌ഠ ചടങ്ങ് നടക്കും.
കോന്നിയിൽ നിന്നും ആഘോഷപൂർവം കൊണ്ടു വന്ന തേക്കിൻ തടി ഒരു വർഷത്തിലധികം എണ്ണ തോണിയിലിട്ടിരുന്നു. കഴിഞ്ഞ ഒക്ടോബറിലാണ് മരം തൈലാധിവാസം കഴിഞ്ഞ് പുറത്തെടുത്തത്. ഇതിന് ശേഷം മാന്നാറിൽ നിന്നും നിർമിച്ച ചെമ്പ് പറകളും, വെണ്ടയങ്ങളും, പഞ്ചലോഹ നിർമിതമായ വേതാള വാഹനവും അഷ്ട ദിക്ക് പാലകരെയും ദിക്ക് ഗജങ്ങളെയും എത്തിച്ചാണ് തങ്ക തകിടുകൾ പതിക്കല്‍ ആരംഭിച്ചത്.
പാറമേക്കാവിൽ സ്വർണ ധ്വജ പ്രതിഷ്‌ഠയ്ക്കുള്ള ഒരുക്കങ്ങൾ അവസാനഘട്ടത്തിൽ