തിരുവനന്തപുരം :മുപ്പതുവർഷം മുമ്പായിരുന്നു സിനിമയിലേക്കുള്ള ജിബിൻ ഗോപിനാഥിൻ്റെ ആദ്യ ഓഡിഷൻ. ചെറുവേഷങ്ങളിലൂടെ പിടിച്ചുകയറുന്നതിനിടെ മുപ്പത് സെക്കൻഡ് ദൈർഘ്യമുള്ള ഒരു പരസ്യമാണ് ജിബിൻ്റെ തലവര മാറ്റിയത്. ഫോൺപേയുടെ പരസ്യത്തിലെ ട്രാഫിക് പൊലീസുകാരനും ആ ചിരിയും ഹിറ്റായതോടെ ജിബിൻ ശ്രദ്ധിക്കപ്പെട്ടു. ഇപ്പോൾ പരസ്യത്തിലും സിനിമയിലും കൈ നിറയെ അവസരങ്ങൾ.
കലാകാരൻ ജിബിൻ ഗോപിനാഥ് ഇ.ടി.വി ഭാരതിനോട് മനസുതുറക്കുന്നു ദുൽഖർ സൽമാനും സാമന്തയും അഭിനയിച്ച പരസ്യത്തിൽ ഇരുവരെയും നിയമലംഘനത്തിന് പിടികൂടി പിഴയടപ്പിക്കുന്ന ട്രാഫിക് പോലീസുകാരൻ ജിവിതത്തിലും പൊലീസുകാരനാണ്. ട്രാഫിക് ഡ്യൂട്ടിക്കിടെ ആളുകൾ തിരിച്ചറിയുന്നതിൻ്റെ സന്തോഷമാണിപ്പോൾ ജിബിന്. 20,000 ത്തോളം പേരിൽ നിന്നാണ് പരസ്യത്തിലേക്ക് തെരഞ്ഞെടുക്കപ്പെട്ടത്. പിന്നീടും പരസ്യങ്ങൾ ചെയ്‌തു. പുതിയ സിനിമകൾ റിലീസിന് തയ്യാറെടുക്കുന്നു. കടന്നുവന്ന കാലവും പ്രതീക്ഷകളും ഇടിവി ഭാരതുമായി പങ്കുവയ്ക്കുകയാണ് ജിബിൻ ഗോപിനാഥ്.
