കോഴിക്കോട് :പൊതുവേദിയിലെ 'പെൺവിലക്കി'ൽ ന്യായീകരണവുമായി സമസ്ത. വിധികളിലും വിശ്വാസങ്ങളിലും മാറ്റം വരുത്താൻ കഴിയില്ലെന്നും വേദിയിൽ വരുന്ന മുതിർന്ന പെൺകുട്ടികളുടെ ലജ്ജ കണക്കിലെടുത്താണ് സ്റ്റേജിലേക്ക് കയറ്റേണ്ടെന്ന് പറഞ്ഞതെന്നും സമസ്ത സംസ്ഥാന അധ്യക്ഷൻ ജിഫ്രി മുത്തുക്കോയ തങ്ങൾ പറഞ്ഞു.
'സ്‌റ്റേജിൽ കയറ്റേണ്ടെന്ന് പറഞ്ഞത് പെൺകുട്ടികളുടെ ലജ്ജ കണക്കിലെടുത്ത്'; 'പെൺവിലക്കി'ൽ ന്യായീകരണവുമായി സമസ്ത
മുതിർന്ന പെൺകുട്ടികളെ വേദിയിൽ കയറ്റി ആദരിക്കുന്ന നിലപാട് സമസ്തക്കില്ല. കുട്ടി വന്നു, പുരസ്‌കാരം വാങ്ങി. ആ കുട്ടി വരുന്നതിന് മുമ്പ് എം ടി അബ്ദുള്ള മുസ്ലിയാർ തടഞ്ഞിട്ടില്ല, അങ്ങനെയെങ്കിൽ അപമാനിച്ചെന്ന് പറയാം. അതിനാൽ തന്നെ അപമാനിച്ചെന്ന പ്രയോഗം തെറ്റാണ്.
സമസ്ത മാറണം എന്ന് പുറമെയുള്ള ആളുകൾ അല്ല പറയേണ്ടത്. കാലോചിതമായാണ് സമസ്ത പ്രവർത്തിക്കുന്നതെന്നും ജിഫ്രി മുത്തുക്കോയ തങ്ങൾ കൂട്ടിച്ചേർത്തു.