സൂറത്ത്:രാജ്യം മുഴുവന്‍ സ്വാതന്ത്ര്യത്തിന്‍റെ 75-ാം വാർഷികം ആഘോഷിക്കുന്നതിനായുളള തയ്യാറെടുപ്പുകളിലാണ്. സ്വാതന്ത്ര്യ ദിനാഘോഷങ്ങളുടെ ഭാഗമായി ഗുജറാത്തിലെ വസ്‌ത്രവ്യാപാരി തന്‍റെ കോടികൾ വിലമതിക്കുന്ന ജാഗ്വാർ കാറിന് ദേശീയ പതാകയുടെ നിറം നൽകിയിരിക്കുകയാണ്. സിദ്ധാർത്ഥ് ദോഷിയെന്ന വസ്‌ത്രവ്യാപാരിയാണ് ദേശസ്‌നേഹം പ്രകടമാക്കാൻ ഇത്തരത്തിലൊരു മാർഗം സ്വീകരിച്ചത്.
ഹര്‍ഖര്‍ തിരംഗ; ജാഗ്വാറിന് ദേശീയ പതാകയുടെ നിറം നൽകി വ്യാപാരി
ഗുജറാത്തിലെ സൂറത്ത് സ്വദേശിയാണ് ഇദ്ദേഹം. അമൃത് മഹോത്സവത്തിന്‍റെ ഭാഗമായുള്ള ഹര്‍ഖര്‍ തിരംഗ ക്യാമ്പയിൻ വിജയിപ്പിക്കണമെന്ന് പ്രധാനമന്ത്രി നരേന്ദ്രമോദി കഴിഞ്ഞ ദിവസം ആഹ്വാനം ചെയ്‌തിരുന്നു. ഓഗസ്‌റ്റ് 13 മുതൽ 15 വരെ എല്ലാവരും വീടുകളിൽ ദേശീയപതാക ഉയർത്തണമെന്നതായിരുന്നു നിർദേശം.