മഹാരാഷ്‌ട്ര: ധാരാവിയില്‍ എല്‍പിജി സിലിണ്ടര്‍ പൊട്ടിത്തെറിച്ച് പതിനഞ്ച് പേര്‍ക്ക് പരിക്കേറ്റു. ഇതില്‍ എട്ട് വയസുകാരനുള്‍പ്പെടെ അഞ്ച് പേരുടെ സ്ഥിതി ഗുരുതരമാണ്. പത്ത് പേര്‍ അപകട നില തരണം ചെയ്‌തെന്ന് അധികൃതര്‍ വ്യക്തമാക്കി.
ധാരാവിയിലെ ഷാഹു നഗറില്‍ ഞായറാഴ്‌ച ഉച്ചയോടെയാണ് ഗ്യാസ് സിലിണ്ടര്‍ പൊട്ടിത്തെറിച്ചത്. കുടിലിന് പുറത്ത് വച്ചിരുന്ന സിലിണ്ടര്‍ പൊട്ടിത്തെറിക്കുകയായിരുന്നുവെന്ന് അഗ്നിശമന സേന ഉദ്യോഗസ്ഥന്‍ അറിയിച്ചു.