ചണ്ഡിഗഡ് : പഞ്ചാബിന്‍റെ പുതിയ മുഖ്യമന്ത്രിയായി ചുമതലയേറ്റ ചരണ്‍ജിത്ത് സിംഗ് ചന്നിക്ക് ആശംസയുമായി സ്ഥാനമൊഴിഞ്ഞ മുഖ്യമന്ത്രി ക്യാപ്റ്റന്‍ അമരീന്ദര്‍ സിംഗ്. 'എല്ലാ മംഗളങ്ങളും നേരുന്നു. സംസ്ഥാന അതിര്‍ത്തിയിലെ പ്രശ്ങ്ങളില്‍ നിന്നും ജനങ്ങളേയും സംസ്ഥാനത്തേയും രക്ഷിക്കാന്‍ താങ്കള്‍ക്ക് കഴിയുമെന്ന് ഞാന്‍ വിശ്വസിക്കുന്നു' - അമരീന്ദര്‍ ട്വീറ്റ് ചെയ്തു.
മുഖ്യമന്ത്രി സ്ഥാനത്തേക്ക് അവസാന നിമിഷം വരെ ഉയർന്നുകേട്ട സുഖ്‌ജിന്ദർ സിങ് രണ്‍ധാവക്ക് പകരം ചരണ്‍ജിത്ത് സിങ് ചന്നിയെ മുഖ്യമന്ത്രിയായി കോണ്‍ഗ്രസ് നേതൃത്വം തീരുമാനിക്കുകയായിരുന്നു.പഞ്ചാബിന്‍റെ ചുമതലയുള്ള മുതിര്‍ന്ന നേതാവ് ഹരീഷ് റാവത്ത് ട്വിറ്ററിലൂടെയാണ് ഇക്കാര്യം അറിയിച്ചത്.