മുംബൈ: മഹാരാഷ്ട്രയിൽ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത ഇരുപത്തിയൊന്നുക്കാരനെതിരെ കേസ് രജിസ്‌റ്റർ ചെയ്തു.
താനെ ജില്ലയിലെ കല്യാൺ പട്ടണത്തിലാണ് സംഭവം. പച്ചക്കറി കച്ചവടക്കാരനായ പ്രതി 15 വയസുകാരിയായ പെൺകുട്ടിയെ നിരന്തരം പീഡിപ്പിക്കുകയും തുടർന്ന് ഗർഭിണിയായ പെൺകുട്ടി ഏതാനും ദിവസങ്ങൾക്ക് മുൻപ് ഒരു കുഞ്ഞിനെ പ്രസവിക്കുകയും ചെയ്തു.
ആശുപത്രിയിൽ നിന്ന് ലഭിച്ച വിവരത്തെ തുടർന്നാണ് പൊലീസ് കേസെടുത്തത്. ഒളിവിൽ പോയ പ്രതിക്കെതിരെ ഐപിസി സെക്ഷൻ 376, പോക്സോ നിയമം എന്നിവ പ്രകാരമാണ് കേസെടുത്തത്. പ്രതി ബിഹാറിലേക്ക് ഒളിവിൽ പോയെന്നാണ് റിപ്പോർട്ടുകൾ.