പൂനെ: പൂനെയിൽ സെപ്റ്റിക് ടാങ്ക് വൃത്തിയാക്കുന്നതിനിടെ നാല് തൊഴിലാളികൾ ശ്വാസംമുട്ടി മരിച്ചു. ലോനി കൽഭോർ പ്രദേശത്ത് ഇന്ന് (02.03.22) രാവിലെ 10.30ഓടെയാണ് സംഭവം. സിക്കന്ദർ പോപട് കസ്‌ബെ (45), പദ്‌മകർ മാരുതി വാഗ്‌മരെ (43), കൃഷ്ണ ദത്ത ജാദവ് (26), രൂപേഷ് കാംബ്ലെ (45) എന്നിവരാണ് മരിച്ചത്.
കൽഭോറിലെ പയസ ഹോട്ടലിന് പുറകിലുള്ള ഒരു കെട്ടിടത്തിൽ സെപ്റ്റിക് ടാങ്ക് വൃത്തിയാക്കാൻ ഇറങ്ങിയതായിരുന്നു മൂന്ന് തൊഴിലാളികൾ. ടാങ്കിനുള്ളിൽ ഇറങ്ങിയ ഉടനെ ഇവർക്ക് ശ്വാസ തടസം അനുഭവപ്പെട്ടു. ഇതിനിടെ ഇവരെ രക്ഷിക്കാൻ ശ്രമിക്കുന്നതിനിടെ മറ്റൊരു തൊഴിലാളി കൂടി ടാങ്കിൽ വീഴുകയായിരുന്നു.