ഗയ (ബിഹാർ): മന്ത്രവാദം ആരോപിച്ച് യുവതിയെ ആൾക്കൂട്ടം ജീവനോടെ ചുട്ടുകൊന്നു. ഇമാംഗഞ്ച് പൊലീസ് സ്റ്റേഷൻ പരിധിയിലെ പച്ച്മാ ഗ്രാമത്തിൽ ശനിയാഴ്‌ചയാണ് ദാരുണ സംഭവം നടന്നത്. ഹേമന്തി ദേവി എന്ന യുവതിയേയാണ് ഗ്രാമവാസികൾ അഗ്നിക്കിരയാക്കിയത്.
രണ്ട് ദിവസം മുൻപ് സംഭവിച്ച പരമേശ്വർ ഭാരതി എന്നയാളുടെ അസ്വാഭാവിക മരണത്തിന് ഹേമന്തി ദേവിയാണ് ഉത്തരവാദി എന്നാണ് ഗ്രാമവാസികൾ വിശ്വസിച്ചിരുന്നത്. ഇതിൽ പ്രകോപിതരായ പരമേശ്വരന്‍റെ ബന്ധുക്കളും നാട്ടുകാരും ഹേമന്തിയുടെ വീട്ടിൽ അതിക്രമിച്ച് കയറി യുവതിയെ തുണിയിൽ പൊതിഞ്ഞ ശേഷം തീകൊളുത്തുകയായിരുന്നു.