ಸ್ಟಾರ್ ನಟ-ನಟಿಯರನ್ನು ಅಭಿಮಾನಿಗಳು ಭೇಟಿ ಮಾಡುವುದು, ಅವರಿಗೆ ಸನ್ಮಾನ ಮಾಡಿ ಶುಭ ಹಾರೈಸುವುದು ಇವೆಲ್ಲಾ ಹೊಸದೇನಲ್ಲ. ನಟಿ ಹರಿಪ್ರಿಯಾಗೂ ಇದು ವಿಶೇಷವಲ್ಲ. ಅವರು ಆಗಾಗ ಅಭಿಮಾನಿಗಳನ್ನು ಭೇಟಿ ಮಾಡುತ್ತಲೇ ಇರುತ್ತಾರೆ. ಆದರೆ, ಭಾನುವಾರ ನಡೆದ ಘಟನೆಯಿಂದ ಹರಿಪ್ರಿಯ ನಿಜಕ್ಕೂ ದಂಗಾಗಿದ್ದಾರೆ.
ಜೊತೆಗೆ ಹೆಚ್ ಅಕ್ಷರದ ಕೇಕ್ ತಂದು ಅವರಿಂದ ಅದನ್ನು ಕತ್ತರಿಸಿದ್ದಾರೆ. ಇನ್ನು, ಚಾಕೊಲೇಟ್, ಗುಲಾಬಿ ಅಂತೆಲ್ಲಾ ಗಿಫ್ಟ್ಗಳನ್ನು ನೀಡಿದ್ದಾರೆ. ಅಭಿಮಾನಿಗಳ ಈ ಪ್ರೀತಿಯನ್ನು ಕಂಡು ಹರಿಪ್ರಿಯಾ ಖುಷಿ ವ್ಯಕ್ತಪಡಿಸಿದ್ದು, ಈ ವಿಷಯವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅಭಿಮಾನಿಗಳ ಈ ಪ್ರೀತಿಗೆ ತಾನೆಂದೂ ಋಣಿ ಎಂದು ಹೇಳಿಕೊಂಡಿದ್ದಾರೆ.
ಅಂದಹಾಗೆ,`ಪೆಟ್ರೋಮ್ಯಾಕ್ಸ್' ಚಿತ್ರದ ಚಿತ್ರೀಕರಣ ಕೊನೆಯ ಹಂತದಲ್ಲಿದ್ದು, ಜನವರಿ ಮೊದಲ ವಾರದಲ್ಲಿ ಶೂಟಿಂಗ್ ಮುಗಿಯುವ ಸಾಧ್ಯತೆ ಇದೆ. ಈ ಸಿನಿಮಾ ಮುಗಿಸಿ ಸತೀಶ್ ನೀನಾಸಂ, ನಂತರ ತಮಿಳು ಚಿತ್ರದಲ್ಲಿ ನಟಿಸಲು ಚೆನ್ನೈಗೆ ತೆರಳಿದ್ದಾರೆ.
ವಿಜಯಪ್ರಸಾದ್‌ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ಅರುಣ್, ಕಾರುಣ್ಯ ರಾಮ್ ಸೇರಿದಂತೆ ಹಲವರು ನಟಿಸುತ್ತಿದ್ದು, ಅನೂಪ್ ಸೀಳಿನ್ ಸಂಗೀತ ಸಂಯೋಜಿಸುತ್ತಿದ್ದಾರೆ.