ಚಿಕಾಗೋ: ಚಿಕಾಗೋದ ಅಪಾರ್ಟ್ಮೆಂಟ್ವೊಂದರ 17 ನೇ ಮಹಡಿಯ ಕಿಟಕಿಯಿಂದ ಮೂರು ವರ್ಷದ ಬಾಲಕನೊಬ್ಬ ಕೆಳಗೆ ಬಿದ್ದು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಅಪಾರ್ಟ್ಮೆಂಟ್ವೊಂದರ 17 ನೇ ಮಹಡಿಯಲ್ಲಿ ಕಿಟಕಿಗೆ ಹಾಕಿದ ಪರದೆ ಹಿಡಿದು ಮೂರು ವರ್ಷದ ಬಾಲಕ ಆಟವಾಡುತ್ತಿರುವಾಗ, ಆಯತಪ್ಪಿ ಕೆಳಗೆ ಬಿದ್ದು ಸಾವನ್ನಪ್ಪಿರುವ ಘಟನೆ ಅಮೆರಿಕದಲ್ಲಿ ನಡೆದಿದೆ.
ಲಾಮರ್ ರೋಚ್ ಜೂನಿಯರ್ ಮೃತ ಬಾಲಕ. ಮನೆಯ ಕಿಟಕಿಗೆ ಹಾಕಿದ ಪರದೆಯನ್ನು ಹೊರಗೆ ತಳ್ಳಿ ಆಟವಾಡುತ್ತಿರುವಾಗ ಬುಧವಾರ ಈ ದುರ್ಘಟನೆ ಸಂಭವಿಸಿದೆ. ಕೂಡಲೇ ಆತನನ್ನು ಮಕ್ಕಳ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಲಾಮರ್ ರೋಚ್ ಮೃತಪಟ್ಟಿದ್ದಾನೆ ಎಂದು ಚಿಕಾಗೋ ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ:ಅಪೌಷ್ಟಿಕತೆ, ರಕ್ತಹೀನತೆ.. ರಾಜ್ಯದ 14 ಲಕ್ಷ ಶಾಲಾ ಮಕ್ಕಳಿಗೆ ಬಿಸಿಯೂಟದೊಂದಿಗೆ ಬೇಯಿಸಿದ ಮೊಟ್ಟೆ
ಬಾಲಕನ ಸಾವಿನ ಕುರಿತು ಚಿಕಾಗೋ ಪೊಲೀಸರು ಮತ್ತು ಮಕ್ಕಳ ಕಲ್ಯಾಣ ಅಧಿಕಾರಿಗಳು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
Last Updated :Nov 25, 2021, 12:23 PM IST