ಹಿಂದೂ ಹೃದಯ ಸಾಮ್ರಾಟ ಶಿವಾಜಿಗೆ ನಮಿಸಿದ ಪಾತ್ರಧಾರಿ ಅಕ್ಷಯ್​ ಕುಮಾರ್

"ವೇದತ್ ಮರಾತೆ ವೀರ್ ದೌಡ್ಲೆ ಸಾತ್" ಸಿನಿಮಾ ಶೂಟಿಂಗ್​​ ಶುರುವಾಗಿದ್ದು, ನಟ ಅಕ್ಷಯ್​ ಕುಮಾರ್ ಫೋಟೋ, ವಿಡಿಯೋ ಶೇರ್ ಮಾಡಿದ್ದಾರೆ.

ನಿರ್ದೇಶಕ ಮಹೇಶ್ ಮಂಜ್ರೇಕರ್ ಅವರ "ವೇದತ್ ಮರಾತೆ ವೀರ್ ದೌಡ್ಲೆ ಸಾತ್" (Vedat Marathe Veer Daudle Saat) ಸಿನಿಮಾದಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರ ಪಾತ್ರಕ್ಕೆ ಬಾಲಿವುಡ್​ ನಟ ಅಕ್ಷಯ್​ ಕುಮಾರ್​ ಜೀವ ತುಂಬುತ್ತಿದ್ದಾರೆ. ಮೊದಲ ಶೆಡ್ಯೂಲ್​​ನ ಶೂಟಿಂಗ್​​ ಮುಂಬೈನಲ್ಲಿ ನಡೆಯುತ್ತಿದೆ. ಚಿತ್ರೀಕರಣ ಸೋಮವಾರ ಪ್ರಾರಂಭವಾಗಿದೆ.

ಶಿವಾಜಿ ಪಾತ್ರಧಾರಿ ಅಕ್ಷಯ್​ ಕುಮಾರ್

ಈ ಕುರಿತು ಅಕ್ಷಯ್ ಕುಮಾರ್​ ಫೋಟೋವೊಂದನ್ನು ಶೇರ್ ಮಾಡಿದ್ದಾರೆ. ಅವರು ಛತ್ರಪತಿ ಶಿವಾಜಿ ಮಹಾರಾಜರ ಚಿತ್ರವನ್ನು ನೋಡುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ಪಾತ್ರದಲ್ಲಿ ನಟಿಸಲು ನನಗೆ ಗೌರವವಿದೆ ಎಂದು ಈ ಫೋಟೋಗೆ ಹಿಂದಿಯಲ್ಲಿ ಶೀರ್ಷಿಕೆ ಬರೆದಿದ್ದಾರೆ. ಮತ್ತೊಂದು ಪೋಸ್ಟ್​ನಲ್ಲಿ ಶೂಟಿಂಗ್​ ವಿಡಿಯೋ ಶೇರ್ ಮಾಡಿದ್ದು, ಜೈ ಶಿವಾಜಿ ಎಂದು ಬೆರೆದಿದ್ದಾರೆ.

ಶಿವಾಜಿ ಪಾತ್ರಧಾರಿ ಅಕ್ಷಯ್​ ಕುಮಾರ್

ಚಿತ್ರದ ಪಾತ್ರವರ್ಗದಲ್ಲಿ ಜಯ್ ದುಧಾನೆ, ಉತ್ಕರ್ಷ ಶಿಂಧೆ, ವಿಶಾಲ್ ನಿಕಮ್, ವಿರಾಟ್ ಮಡ್ಕೆ, ಹಾರ್ದಿಕ್ ಜೋಶಿ, ಸತ್ಯ, ಅಕ್ಷಯ್, ನವಾಬ್ ಖಾನ್ ಮತ್ತು ಪ್ರವೀಣ್ ತಾರ್ಡೆ ಇದ್ದಾರೆ. ಚಿತ್ರ ಮರಾಠಿ, ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ 2023 ರ ದೀಪಾವಳಿ ವೇಳೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ:ಛತ್ರಪತಿ ಶಿವಾಜಿ ಮಹಾರಾಜರ ಪಾತ್ರಕ್ಕೆ ಜೀವ ತುಂಬಲಿದ್ದಾರೆ ನಟ ಅಕ್ಷಯ್​ ಕುಮಾರ್​