અપની ગલી મેં કુત્તા ભી શેર હોતા હૈ ! માંગરોળમાં મધરાતે શ્વાનોએ દીપડાને ઊભી પૂંછડીએ ભગાડ્યો

વાયરલ વીડિયો : વેરાકુઈ ગામના જલારામ મંદિર ફળિયામાં શિકારની શોધમાં દીપડો આવ્યો હતો. આ સમયે શ્વાન અને દીપડા વચ્ચે સંઘર્ષ થયો હતો. શ્વાનના એક ઝુંડે દીપડાને નિશાન બનાવી ભસવાનું ચાલુ કર્યું હતું. જોકે અહીં  માર્ગ પરથી પસાર થતા એક વાહનચાલકે આ અજીબોગરીબ દ્રશ્યો જોયા. વાહનચાલકે શ્વાન અને દીપડા વચ્ચેનો સંઘર્ષ પોતાના મોબાઇલના કેમેરામાં કેદ કરી લીધો હતો. જેમાં જોઈ શકાય છે કે, શ્વાનનું એક ઝુંડ દીપડાનો સામનો કરી રહ્યા છે. જ્યારે દીપડો ભાગ્યો ત્યારે પણ શ્વાન તેનો પીછો કરવા લાગ્યા હતા. આખરે દીપડાને વિના શિકારે ભાગી જવું પડ્યું હતું.