સ્માર્ટસિટી વડોદરામાં 6 મહિનાથી બંધ સ્વિમિંગપુલ મામલે સિનિયર સિટીઝનોનું વિરોધ પ્રદર્શન

વડોદરા: વડોદરાનું મહાનગર સેવાસદન કાયમ કોઈના કોઈ પ્રકારે વિવાદમાં સપડાયેલું જોવા મળતું જ હોય છે. કમરતોડ વેરો ભરવા છતાં પણ સેવાસદનનું તંત્ર લોક પ્રશ્નોના નિવારણ અર્થે તદ્દન નિષ્ફળ નીવડ્યું છે. ત્યારે છેલ્લા 6 મહિનાથી બંધ એવા સરદાર બાગ સ્વિમિંગપુલ મામલે સિનિયર સિટીઝનો દ્વારા વિરોધ પ્રદર્શન કરાયું હતું.

સ્માર્ટસિટી વડોદરા શહેરના પશ્ચિમ વિસ્તારમાં આવેલો સરદાર બાગ સ્વિમિંગપુલ છેલ્લા 6 મહિનાથી અટકેલા સમારકામને પગલે બંધ હાલતમાં છે. જેના કારણે શહેરીજનો સ્વિમિંગપુલના લાભથી વંચિત બન્યા છે.

કમરતોડ વેરો ભરવા છતાં પણ સેવાસદનનું તંત્ર લોક પ્રશ્નોના નિવારણ અર્થે તદ્દન નિષ્ફળ નીવડ્યું છે અને નગરજનોને જરૂરી એવી જરૂરિયાતો પૂરી પાડવામાં આંખ આડા કાન કરી રહ્યું છે.

આથી ટીમ રિવોલ્યુશનના સ્વેજલ વ્યાસની આગેવાનીમાં સ્વિમિંગપુલના લાભથી વંચિત બનેલા સિનિયર સિટીઝનોએ બેનરો સાથે દેખાવો કરી તંત્ર સામે વિરોધ નોંધાવ્યો હતો અને સ્વિમિંગપુલ ત્વરિત શરૂ કરવા માગ કરી હતી.