સુરત કતારગામ પોલીસને બાતમી મળી હતી કે, રિક્ષામાં મુસાફરનો સ્વાંગ રચી મોબાઇલ ચોરીની ઘટનાને અંજામ આપનારી ગેંગ કતારગામ વિસ્તારમાં ફરી રહી હતી. જે બાતમીના આધારે પોલીસે વોચ ગોઠવી રિક્ષામાં સવાર સાત લોકોની અટકાયત કરી છે. પોલીસને તપાસ દરમિયાન તેમની પાસેથી 21 જેટલા મોબાઇલ મળી આવ્યા હતા. જે અંગે પુછપરછ કરતા સંતોષકારક જવાબ મળ્યો ન હતો. જે બાદ પોલીસે તમામ લોકોની કડક પુછપરછ કરતા આ મોબાઇલ ચોરીથી મેળવ્યા હોવાની કબુલાત કરી હતી.
પોલીસના જણાવ્યાનુસાર આરોપીના નામ રફીક ઉર્ફે બાંગો, અનવર શેખ, અલ્લારખા, વિકિ થોરાટ, રાહુલ આહિર તથા ફૈયાઝ શા હોવાનું જણવા મળ્યું છે. આ ગેંગ રેલ્વે સ્ટેશન અને કતારગામ વિસ્તારમાં ફરી ચોરીને અંજામ આપતી હતી. શરૂઆતમાં તેઓ રિક્ષામાં ત્રણ સાગરિતો બેઠા જ હોય છે. બાદમાં એકલ દોકલ મુસાફરને તેઓની વચ્ચે બેસાડી તેમની નજર ચુકવીને મોબાઇલની ચોરી કરી અધ વચ્ચે ઉતરી જતા હતાં.
મોબાઇલ ચોરી ગેંગમાંનો રફીક અગાઉ પોલીસના હાથે ઝડપાઇ ચુકયો છે. તેમજ એક સરથાણા પોલીસ મથકનો ગુનો ઉકેલવામાં પોલીસને સફળતા મેળવી છે. હાલ પોલીસે તમામને કોર્ટમા રજૂ કરી રિમાન્ડ લેવાની તજવીજ હાથ ધરી છે. પોલીસ પુછપરછમાં ડઝન જેટલા મોબાઇલ ચોરીના ગુના ઉકેલાશે તેવી શકયતા છે.