રત્નકલાકારોની વ્હારે GJEPC, કારીગરોના પરિજનોને મેડિકલની સુવિધા

સુરત ડાયમંડ સીટી સુરત શહેરને કોઈની નજર લાગી ગઈ હોય તેવું લાગી રહ્યું છે. છેલ્લા એક વર્ષથી બજારમાં મદી તથા બેરોજગારીને કારણે હજારો રત્નકલાકારો બેકાર બન્યા છે. બેકારીને કારણે કેટલાક રત્નકલાકારો રસ્તા પર આવી ગયા છે. કેટલાક એવા પણ છે કે, જેમને બે ટંકનું ખાવાનું પણ નથી મળી રહ્યું. ત્યારે આવા રત્નકલાકારોની વ્હારે GJEPC આગળ આવ્યું છે.

.સુરત: GJEPC દ્વારા રત્નકલાકારોના પરિવારને મેડિકલની સુવિધા મળી રહે તેવું આયોજન કરવામાં આવ્યું છે. તમામ રત્નકલાકારો માટે રૂ 1 લાખનો મેડિકલેઇમની સગવડ આપવામાં આવી રહી છે. જેના થકી રત્નકલાકારના પરિવારમાં કોઈ પણ માંદગી કે ઓપરેશન હોઈ તો ખર્ચાની ચિંતા ન થાય.

આ મેડિકલેઇમમાં રત્નકલાકારે રૂપિયા 600 જ ભરવાના રહેશે. જ્યારે બાકીની રકમ GJEPC દ્વારા ભરવામાં આવશે. હાલ જે રીતે મેડિકલેઇમની જાહેરાત કરવામાં આવી છે. જેને લઈને રત્નકલાકારોમાં પણ ખુશીની લહેર જોવા મળી રહી છે અને હજારો લોકોએ મેડિકલેઇમ માટે રજિસ્ટ્રેશન પણ કરાવ્યું છે.