આજથી એક સાથે છ એપીએમસી સેન્ટરો પર મગફળીની ખરીદી શરૂ કરાઇ છે. જેમાં સરકાર દ્વારા એક હજારથી વધુના ભાવે મગફળી ખરીદવા માટે નોંધણી કરાવેલી હતી. 21,124 ખેડૂતો પૈકી માત્ર 5 થી 6 ખેડૂતો પોતાની મગફળી લઇને એપીએમસી સેન્ટર પહોંચ્યા હતા. જો કે, વહીવટી તંત્ર દ્વારા દરરોજ 25 થી 30 ખેડૂતોને બોલાવવા માટેનું પ્રદાન કરાવવામાં આવ્યું છે. ગત વર્ષે વહીવટી તંત્રની બેદરકારીના પગલે મગફળી લેવા માટે અઢી મહિનાથી વધુનો સમય લાગતા ગુજરાત સહિતના જિલ્લામાં ઘણી બધી જગ્યાએ વિરોધાભાસ ઉભો થયો હતો.
ટેકાના ભાવે મગફળીની ખરીદી આજથી શરૂ ખેડૂતોની પાંખી હાજરી જો કે આ વર્ષે વહીવટી તંત્ર દ્વારા જિલ્લામાં 53 કર્મચારીઓ સહિત અલગ-અલગ 6 માર્કેટયાર્ડ દ્વારા સરકાર ટેકાના ભાવે મગફળી ખરીદશે. સાથેજ ખેડૂતોને આ વર્ષે પાછોતરા વરસાદને પગલે ભારે નુકસાન જવાના કારણે સરકાર સામે સહાયનો હાથ લંબાવ્યો છે. તેમજ સરકાર દ્વારા વિશેષ પેકેજની પણ માંગ કરી છે.
મગફળી ખરીદી કરવાના પ્રથમ દિવસે સમગ્ર જિલ્લાના ખેડૂતો ભેગા કરવામાં આવે તો પણ 25 થી વધુ ખેડૂતો માર્કેટમાં આવ્યા નથી. સાથો સાથ વહીવટી તંત્ર દ્વારા આ મુદ્દે પોતાનો બચાવ કરતા ખેડૂતો દ્વારા પાક તૈયાર ન હોવાનું ગાણું ગવાઇ રહયું છે. જો કે, સાચી વાત તો એ છે કે, સરકાર દ્વારા હાલમાં અપાઇ રહેલા ટેકાના ભાવ કરતા ખેડૂતોને વરસાદી માહોલમાં મગફળીના પાકને વધુ નુકસાન થવાની સંભાવના રહેલી છે. જેના પગલે ખેડૂતોએ હાલ વાતાવરણને જોતા પાક તૈયાર કરવાનું મુનાસિબ માન્યું નથી. જેથી આજે જિલ્લાના તમામ એપીએમસી સેન્ટર ઉપર ખેડૂતોની પાંખી હાજરી જોવા મળી છે.
સરકાર દ્વારા આ મુદ્દે આગામી સમયમાં ખેડૂતોને વિશેષ સહાય કરવામાં આવે તો જગતના તાતને પડતા પર પાટું દૂર કરી શકાય તેમ છે. ત્યારે જોવું એ રહે છે કે, સરકાર ખેડૂતોના મુદ્દે કેટલી સંવેદનશીલ છે.
