પોરબંદરના સુભાષનગરમાં સામાન્ય લોકોના ઘરનું વીજ બીલ 25,000 આવતા લોકોમાં રોષ

વૈશ્વિક મહામારી કોરોનામાં લાદવામાં આવેલા લોકડાઉનના કારણે અનેક લોકોની રોજીરોજી છીનવાઈ છે. આ ઉપરાંત મોંધવારીમાં પણ વધારો થઇ રહ્યો છે. આવામાં પોરબંદરના સુભાષનગરમાં રહેતા લોકોના વીજળીના બીલમાં ધરખમ વધારો થતાં લોકો રોષે ભરાયા હતા.

પોરબંદર: કોરોના વાઇરસના કહેરના પગલે અનેક લોકોના ધંધા-રોજગાર બંધ છે. આવામાં સુભાષનગરમાં ઘરવપરાશ વીજળીનું બીલ 10,000થી 25,000 આવ્યું છે. આ અગાઉ આ લોકોના ઘરવપરાશનું બીલ 1200થી 1500 રૂપિયા આવતું હતું.

પોરબંદરના સુભાષનગર વિસ્તારમાં 8થી 10 ઘરોના વીજ બીલમાં ફેરફાર જોવા મળતાં લોકોમાં રોષ ફેલાયો હતો. બીલ વધુ આવતાં આ લોકો શનિવારે PGVCL કચેરી ખાતે રજૂઆત કરવા જશે.