બહુચરાજીમાં 800 જેટલા કૂકડા ભરીને જતા 2 વાહનો ઝડપાયા

મહેસાણા: જિલ્લાના બહુચરાજી પંથકમાં પરપ્રાંતિય સહિત જુદા-જુદા વર્ણ અનેે વર્ગના વસવાટ કરતાં લોકોની સંખ્યા સારા એવા પ્રમાણમાં છે. ત્યારે તેનો ફાયદો ખાનગી ફેક્ટરીઓએ લીધો છે. તે વિસ્તારમાં માંસાહારનો વેપાર ફુલ્યો ફાલ્યો છે.

મળતી માહિતી મુજબ, બહુચરાજી યાત્રા ધામ ખાતે શ્રદ્ધાળુઓની ધાર્મિક લાગણી દુભાઈ રહી છે. તેવા સંજોગોમાં બહુચરાજી ખાતેથી પસાર થતા 2 લોડિંગ વાહનોમાં 800થી વધુ કુકડા ભરી કોઈ જગ્યાએ લઈ જતા અટકાવી ગામના યુવાનોએ બન્ને વાહનોને પોલીસ હવાલે કર્યા છે.

જ્યા પોલીસે બન્ને વાહનોમાંના કૂકડાઓને બહુચરાજી મંદિર ખાતે આવેલી વલ્લભભટ્ટની વાવમાં છોડી મુક્ત કર્યા હતા. પોલીસ અને યુવાનોની આ કામગીરીથી શ્રદ્ધાળુઓએ આનંદ વ્યક્ત કરતા કહ્યું હતું કે, આખરે માં બહુચરનું વાહન કૂકડો માતાજીના શરણમાં સલામત થયા તે જાણીને આંનદ થયો છે.