મહીસાગર જિલ્લા MGVCL દ્વારા આગામી ચોમાસાને લઈ હાથ ધરાઇ પ્રિ-મોન્સૂન કામગીરી

મહીસાગર જિલ્લા MGVCL દ્વારા આગામી ચોમાસા દરમિયાન વરસાદ અને વાવાઝોડાના કારણે વીજપુરવઠો ખોરવાય નહીં તે માટે શરૂ કરવામાં આવેલી પ્રિ-મોનસૂન કામગીરી પૂર્ણતાના આરે છે. જે કામગીરી 15 જૂન પહેલા પૂર્ણ કરવામાં આવશે તેમજ જિલ્લામાં આવેલી કોવિડ હોસ્પિટલમાં પણ વીજપુરવઠો ખોરવાય નહિ, તે માટે વીજ ફીડર મેન્ટેનન્સની તમામ કામગીરી MGVCL દ્વારા પૂર્ણ કરવામાં આવી છે.

• ચોમાસા દરમિયાન વરસાદ અને વાવાઝોડાના કારણે વીજપુરવઠો ખોરવાય નહીં તે માટે પ્રિ-મોનસૂન કામગીરી
• જિલ્લાની કોવિડ હોસ્પિટલમાં 24 કલાક વીજપુરવઠો કાર્યરત રહે તે માટે પણ કામગીરી
• ઝાડની ડાળીનું કટીંગ ઉપરાંત જમ્પર અને વીજ ફીડરની મેન્ટેનન્સ કામગીરી કરાઈ

મહીસાગરઃઆગામી દિવસોમાં ચોમાસાની શરૂઆત થશે, ત્યારે ચોમાસામાં વરસાદ-વાવાઝોડાના કારણે વીજપુરવઠો ખોરવાય નહીં, તે માટે મહીસાગર જિલ્લા MGVCL દ્વારા પ્રિ-મોનસૂનની કામગીરી કરવામાં આવી રહી છે. જે અંતર્ગત જિલ્લામાં વીજ લાઇન નજીકથી પસાર થતા હોય તેવા ઝાડની ડાળીનું કટીંગ કરવામાં આવી રહ્યું છે.

આ પણ વાંચોઃઅમદાવાદ જિલ્લા કલેક્ટરના અધ્યક્ષસ્થાને પ્રિ-મોન્સૂન બેઠક યોજાઈ

જમ્પર અને વીજ ફીડરનું મેન્ટેનન્સ કામ પણ શરૂ

ચોમાસાની ઋતુના કારણે જમ્પર અને વીજ ફીડરનું મેન્ટેનન્સ કામ પણ કરવામાં આવી રહ્યું છે. જેથી વાવાઝોડા અને વરસાદના કારણે વીજળીને લઈ કોઇ અકસ્માત સર્જાય નહીં તેમજ વીજપુરવઠો ખોરવાય નહીં.

મહીસાગર જિલ્લા MGVCL દ્વારા આગામી ચોમાસાને લઈ હાથ ધરાઇ પ્રિમોન્સુન કામગીરી

આ પણ વાંચોઃરાજકોટ મનપા દ્વારા વરસાદ અગાઉ પ્રિમોન્સૂનની કામગીરી શરૂ

MGVCL દ્વારા પ્રિ-મોનસૂનની કામગીરી 15 જૂન પહેલા પૂર્ણ કરી દેવાશે

જિલ્લામાં આવેલી કોવિડ હોસ્પિટલમાં 24 કલાક વીજપુરવઠો કાર્યરત રહે તે માટે પણ કામગીરી પૂર્ણ કરવામાં આવી છે. હાલ જિલ્લામાં MGVCL દ્વારા પ્રિ-મોનસૂનની કામગીરી કરવામાં આવી રહી છે, તે આગામી 15 જૂન પહેલા પૂર્ણ કરી દેવામાં આવશે, તેમ MGVCLના અધિકારીએ જણાવ્યું હતું.