સુપ્રસિધ્ધ યાત્રાધામ ફાગવેલમાં બાલાસિનોર લાયન્સ કલબ દ્વારા નેત્રનિદાન અને ચશ્મા વિતરણ કેમ્પ તેમજ આયુર્વેદિક તથા હોમિયોપેથીક નિદાન અને સારવાર કેમ્પ ગોપાલ ગેસ્ટ હાઉસના કમ્પાઉન્ડમાં યોજાયો હતો. આ કેમ્પમાં આયુર્વેદિકના 142 દર્દીઓ તેમજ હોમિઓપેથીકના 122 દર્દીઓને તપાસી ને વિનામૂલ્યે દવાઓ આપવામાં આવી હતી. નેત્ર નિદાન કેમ્પમાં 258 દર્દીઓના આંખની તપાસ કરવામાં આવી હતી, જેમાંથી 216 વ્યક્તિઓને માત્ર 10 રૂપિયામાં ચશ્માનું વિતરણ કરવામાં આવ્યું હતું. આ કેમ્પમાં સરકારી દવાખાના ઠાસરાના ડોક્ટર જીગ્નેશ શાહ, કઠલાલના ડોક્ટર નીરજ શાહ, ફાગવેલના ડો.રાજેશ ઘડિયા, ડો. સચિન પટેલ દ્વારા તેમજ વૈદ્ય પ્રજ્ઞા ગોહિલ મહેતાએ સેવાઓ આપી હતી.
બાલાસિનોર લાયન્સ ક્લબ દ્વારા ફાગવેલમાં સર્વરોગ નિદાન કેમ્પ અને ચશ્માનુ વિતરણ