જૂનાગઢઃ જૂનાગઢ અને ગિરનાર પર્વત પર અવિરત ધીમી ધારે પડી રહેલા વરસાદને કારણે પવિત્ર દામોદર કુંડ બે દિવસમાં સતત છઠ્ઠી વખત ઓવરફલો થઇને વહી રહ્યો છે. કુદરતનો આ વરસાદી નજારો જાણે કોઈને અહીં ખેંચી લાવતા હોય તેઓ અહેસાસ થઇ રહ્યો છે.
જૂનાગઢનો દામોદર કુંડ 2 દિવસમાં 6 વખત ઓવરફ્લો, જુઓ વીડિયો
જૂનાગઢ અને ગિરનાર પર્વત પર અવિરત ધીમી ધારે પડી રહેલા વરસાદને કારણે પવિત્ર દામોદર કુંડ બે દિવસમાં સતત છઠ્ઠી વખત ઓવરફલો થઇને વહી રહ્યો છે. કુદરતનો આ વરસાદી નજારો જાણે કોઈને અહીં ખેંચી લાવતા હોય તેઓ અહેસાસ થઇ રહ્યો છે.
Damodar kund
જૂનાગઢ શહેર અને ગિરનાર પર્વત પર છેલ્લા 48 કલાકથી સતત અને ધીમી ધારે અવિરત મેઘ સવારી થઈ રહી છે. જેને કારણે ગિરનાર પર્વત અને આસપાસના વિસ્તારોમાંથી વરસાદી પાણીનો પ્રવાહ સતત ગિરિ તળેટી તરફ આવી રહ્યો છે. જેને કારણે પવિત્ર દામોદર કુંડ છેલ્લા 48 કલાકમાં છ વખત ઓવરફલો થઇને વહી રહ્યો છે. હજુ પણ ગિરનાર અને તેની આસપાસને પર્વતમાળાઓ પર સતત વરસાદ વરસી રહ્યો છે. જેને કારણે દામોદર કુંડમાં પાણીનો પ્રવાહ હજુ પણ આવે તેવી શક્યતાઓ જોવાઈ રહી છે.
જુનાગઢનો દામોદર કુંડ છેલ્લા 48 કલાકમાં છ વખત થયો ઓવરફ્લો
ગિરિ તળેટી સમીપે આવેલા પવિત્ર દામોદર કુંડમાં ચોમાસા દરમિયાન જે દ્રશ્યો જોવા મળે છે. જેને કુદરતના આલિંગન સમાન માનવામાં આવે છે. દર ચોમાસા દરમિયાન આવા જ દ્રશ્યો દામોદર કુંડ નજીક જોવા મળતા હોય છે. જેને જોવાનો પણ એક અલગ લ્હાવો અને અનુભવ માનવામાં આવે છે. ધાર્મિક દ્રષ્ટિએ દામોદર કુંડનું વિશેષ મહત્વ જોવામાં આવે છે, પરંતુ ચોમાસા દરમિયાન અહીં જે દૃશ્ય સર્જાય છે. જેને જોતા સૌ કોઈ અહીં ખેંચાઈને આવે છે.