જામનગર: INS વાલસુરા ખાતે આજે NWWA સાથે મળીને ભારતીય નૌકાદળે કોસ્ટલ મોટર કાર અભિયાનનું સફળતાપૂર્વક આયોજન કર્યું છે. જેમાં કોલકાતા, પશ્ચિમ બંગાળ (26 માર્ચ 23) થી લખપત, ગુજરાત (19 એપ્રિલ 23) સુધી લગભગ 7500 કિલોમીટરના સમગ્ર ભારતીય દરિયાકાંઠાને આવરી લેવામાં આવ્યો છે. આ કાર રેલીને 26 માર્ચ 23ના રોજ રોજ રવાના થઈ હતી. NWWA ના પ્રમુખ કલા હરિ કુમાર દ્વારા ફ્લેગ ઓફ કરવામાં આવ્યું હતું.
કોસ્ટલ મોટર કાર અભિયાન: આ મહત્વપૂર્ણ પ્રસંગે શ્રીમતી કલા હરિ કુમાર, પ્રમુખ NWWA એ 16 એપ્રિલ 23 ના રોજ INS વાલસુરા, જામનગર ખાતે મહિલાઓનું સ્વાગત કર્યું હતું. NWWA સાથે મળીને ભારતીય નૌકાદળએ 16 માર્ચ 23ના રોજ ગાંધીનગરમાં સ્થિત રાષ્ટ્રીય રક્ષા યુનિવર્સિટી અને ભારતીય જાહેર આરોગ્ય સંસ્થા સાથે બે શૈક્ષણિક સંસ્થાઓ સાથે એક એમઓયુ પર હસ્તાક્ષર કર્યા છે. ભારતીય નૌકાદળે આ એમઓયુ હાથ ધર્યા છે જેથી મૃત્યુ પામેલા કર્મચારીઓ સહિત તેના કર્મચારીઓના સંતાનોને ઉચ્ચ શિક્ષણની સુવિધા મળે. વધુમાં NWWA દ્વારા મૃત નૌકાદળના કર્મચારીઓના જીવનસાથીઓ અને પરિવારોને તેમના પરિવારો અને સંતાન માટે ઉચ્ચ શૈક્ષણિક માર્ગોની સુવિધા સહિત સહાયતા કરવામાં આવશે.
સામાજિક આઉટરીચ પ્રોગ્રામ: NWWA ટીમે ગુજરાતના સામાજિક ન્યાય અને સશક્તિકરણ વિભાગના સહયોગથી જામનગર ખાતે સામાજિક આઉટરીચ પ્રોગ્રામ પણ હાથ ધર્યો હતો. આ કાર્યક્રમમાં પ્રમુખ NWWA, સાંસદ જામનગર, મેયર, જામનગર ઉપસ્થિત રહ્યા હતા. સમાજ કલ્યાણ અધિકારીઓનું વિભાગ, વાલસુરાના કર્મચારીઓ, પરિવારો અને રેલીના સહભાગીઓ પણ આ કાર્યક્રમનો ભાગ હતા.