- મહારાષ્ટ્ર રાજ્યમાં કોરોના વાઈરસનાં વધતા કેસને ધ્યાનમાં રાખીને આરોગ્ય વિભાગ સતર્ક
- ડાંગ વહીવટી તંત્ર એલર્ટ બન્યું
- આરોગ્ય કર્મીઓની ટીમ તૈનાત કરાઇ
ડાંગ : જિલ્લાનાં સરહદીય વિસ્તારની 6 ચેકપોસ્ટ પર આરોગ્ય કર્મીઓની ટીમ તૈનાત કરી છે. મહારાષ્ટ્ર રાજ્યમાં વધી રહેલા કોરોના વાઈરસનાં કેસને ધ્યાને લઇને ડાંગ વહીવટી તંત્ર એલર્ટ બન્યુ છે. ડાંગ જિલ્લાની મહારાષ્ટ્રને જોડતી કુલ 6 બોર્ડર ચેકપોસ્ટમાં સાપુતારા, મોટામાંળુગા, ચીંચલી, ઝાકરાઈબારી, સિંગાણા, ગલકુંડ ખાતે આજે બુધવારેથી આરોગ્ય કર્મીઓની ટીમ તૈનાત કરી દેવામાં આવી છે.
આરોગ્યકર્મીઓને બોર્ડર ચેકપોસ્ટ પર તૈનાત કરાયાં
આજે બુધવારે જિલ્લાનાં આરોગ્ય વિભાગ દ્વારા પરિપત્ર જાહેર કરીને જિલ્લાનાં આરોગ્યકર્મીઓને ડાંગ જિલ્લાની મહારાષ્ટ્ર સરહદને જોડતી ચેકપોસ્ટ પર તૈનાત કરવામાં આવ્યાં છે. ડાંગ આરોગ્યકર્મીઓની ટીમ દ્વારા દરેક ચેક પોસ્ટ ઉપર બહારથી આવનારા પ્રવાસીને સ્ક્રિનિંગ બાદ જ એન્ટ્રી આપવામાં આવી રહી છે. આરોગ્ય વિભાગ દ્વારા જ્યાં સુધી બીજો આદેશ આપવામાં ન આવે, ત્યાં સુધી જિલ્લાની તમામ 6 બોર્ડર પર આરોગ્યકર્મીઓને ઉપસ્થિત રહેવા જણાવ્યું છે.