થરાદમાં બાઇકનો હપ્તો ન ભરતાં યુવક પર જાહેરમાં હુમલો

બનાસકાંઠાના સરહદી ગામ થરાદમાં ખાનગી ફાયનાન્સ કંપનીના સંચાલકોની જાહેરમાં લુખ્ખાગીરીનો વિડીયો વાયરલ થયો છે. જેમાં બાઈકનો ડ્યુ થયેલો હપ્તો ન ભરતાં ફાયનાન્સના સંચાલકોએ એક યુવક ઉપર જાહેરમાં હુમલો કરી માથામાં માર મારી ગંભીર ઇજાઓ પહોચાડી હોવાની ઘટના સામે આવી છે. જે અંગે ઇજાગ્રસ્ત યુવકે થરાદ પોલીસ મથકે હુમલાખોરો સામે ફરિયાદ નોંધાવતા કાયદેસરની કાર્યવાહી હાથ ધરી હતી.

• થરાદમાં બાઇકનો હપ્તો ન ભરતા યુવક ઉપર જાહેરમાં હુમલો
• વાવના આકોલી ગામના યુવકને જાહેરમાં માર મારતા વિડીયો થયો વાયરલ
• માથાના ભાગે પંચ મારી લોહી લુહાણ કર્યાનો વિડીયો વાયરલ

બનાસકાંઠા: રાજ્યના સરહદી ગામ થરાદ તાલુકામાં દિન-પ્રતિદિન લુખ્ખાગીરીના બનાવોમાં સતત વધારો થઈ રહ્યો છે. હાલમાં વાવ તાલુકાના આકોલીના વસ્તાભાઇ ભુરાભાઇ દેસાઇએ થરાદમાં આવેલ લક્ષ્મી ફાયનાન્સમાંથી મોટર સાયકલ ઉપર લોન લીધી હતી. લોન લીધા બાદ તેમની આર્થિક પરિસ્થિતિ કથાળતા મોટર સાયકલ પરનો એક હપ્તો તે આપ્યી શક્યા નહોતા. તે વસ્તાભાઈ થરાદમા આવેલ ગઢવી હોસ્પિટલ પાસે ઉભા હતા તે સમયે કેટલાક અજાણ્યા શખ્સોએ આવી લક્ષ્મી ફાયનાન્સના હપ્તા કેમ ભરતો નથી તેમ કહી બોલાચાલી કરવા લાગ્યા હતા. બાદમાં કેટલાક અજાણ્યા શખ્સોએ તેમને માર મારી માથાના ભાગમાં ગંભીર ઈજા પહોંચાડી હતી.

આ પણ વાંચો : થરાદમાં 4 લાખથી વધુ કિંમતના ડ્રગ્સ સાથે એક મહિલા સહિત 3 લોકોની ધરપકડ

વાવના આકોલી ગામના યુવકને જાહેરમાં માર મારતા વિડીયો થયો વાયરલ

બનાસકાંઠાના સરહદી વાવ તાલુકાના આકોલી ગામે રહેતા વસ્તાભાઇ ભુરાભાઈ દેસાઈએ થરાદમાં આવેલ લક્ષ્મી ફાઇનાન્સ માંથી મોટરસાયકલ ઉપર લોન લીધી હતી જેનો એક હપ્તો ડ્યુ થયો હતો જે હપ્તો ના ભરાતા થરાદ ખાતે આવેલ ગઢવી હોસ્પિટલ પાસે અંકિતભાઈ ભગવાનભાઈ જોશી અને હરગોવનભાઈ ભગવાનભાઈ જોશી નામના બે શખ્સોએ વસ્તાભાઇ દેસાઈને જાહેરમાં પકડી અને માથાના ભાગે પંચ માર્યો હતો તેમજ બંને સાથે મળીને ગડદાપાટુનો માર માર્યો હતો જે અંગે વસ્તાભાઇ એ થરાદ પોલીસ મથકે ફરિયાદ નોંધાવી હતી જ્યારે થરાદ પોલીસે ગુનો નોંધી વધુ તપાસ હાથ ધરી છે.

આ પણ વાંચો :થરાદ સાચોર હાઇવે પર અકસ્માતમાં બે યુવકોના મોત, 1ની હાલત ગંભીર