Tokyo Olympics: હરિયાણાની છે દુનિયાની નંબર-1 ગોલકીપર, જેણે ભારતને અપાવી સેમિફાઇનલમાં જગ્યા

• સવિતાનું લક્ષ્ય હરિયાણાનો ભીમ એવોર્ડ છે
• ભારતીય મહિલા હોકી ટીમે શાનદાર પ્રદર્શન કરીને સેમિફાઇનલમાં જગ્યા બનાવી
• વર્ષ 2018માં સવિતાને રાષ્ટ્રપતિ રામનાથ કોવિંદ દ્વારા અર્જુન એવોર્ડથી પણ સન્માનિત કરવામાં આવી છે

ચંદીગઢ: ટોક્યો ઓલિમ્પિક (Tokyo Olympics 2020)માં ભારતીય મહિલા હોકી ટીમે શાનદાર પ્રદર્શન કરીને સેમિફાઇનલમાં જગ્યા બનાવી, ભારત માટે એકમાત્ર અને નિર્ણાયક ગોલ ગુરજીત કૌરે (Gurjeet Kaur) 22મી મિનિટે પેનલ્ટી કોર્નર પર કર્યો, પરંતુ ભારત જીતનો શ્રેય મુખ્યત્વે ગોલકીપર સવિતા પૂનિયા (Savita Punia) ને જાય છે, જેમણે કુલ 9 ઉત્તમ બચાવ કર્યા હતા.

હરિયાણાની છે દુનિયાની નંબર-1 ગોલકીપર

આ પણ વાંચો- ઓલિમ્પિક્સમાં દીકરીઓના સર્વશ્રેષ્ઠ પ્રદર્શન પર ભારતની ઉજવણી, અભિનંદનનો વરસાદ

સવિતા પૂનિયા મહિલા ભારતીય હોકી ટીમની શ્રેષ્ઠ ગોલકીપર છે

ઉલ્લેખનિય છે કે, સવિતા પૂનિયા (Savita Punia)મહિલા ભારતીય હોકી ટીમની શ્રેષ્ઠ ગોલકીપર (Savita Punia best best goalkeeper)છે, સવિતા હરિયાણાની છે. તેને વર્લ્ડ નંબર -1 ગોલકીપરનો ખિતાબ પણ મળ્યો છે. સવિતા પૂનિયાએ શૂટઆઉટ રોકવામાં નિપુણતા મેળવી છે. વર્ષ 2018માં તેને રાષ્ટ્રપતિ રામનાથ કોવિંદ દ્વારા અર્જુન એવોર્ડથી પણ સન્માનિત કરવામાં આવી છે. સવિતા પૂનિયા સિરસા જિલ્લાની એકમાત્ર એવી પુત્રી છે, જેને રાષ્ટ્રપતિ દ્વારા અર્જુન એવોર્ડથી નવાજવામાં આવી છે. બીજી તરફ, સવિતા પૂનિયાની મહેનત અને સમર્પણને જોતા મહિલા અને બાળ વિકાસ નિગમને બેટી બચાવો-બેટી પઢાવો અંતર્ગત પ્રથમ વખત જિલ્લાની બ્રાન્ડ એમ્બેસેડર બનાવવામાં આવી છે.

સવિતા પૂનિયાના પરિવાર માટે આ સિદ્ધિ એક સ્વપ્ન સાકાર થવા જેવી છે

બીજી બાજુ, સવિતા પૂનિયા(Savita Punia)ના પરિવાર માટે આ સિદ્ધિ એક સ્વપ્ન સાકાર થવા જેવી છે. તેમણે સવિતાને ઘણા વર્ષોથી આ દિવસ માટે સખત મહેનત કરતા જોઇ છે. ETV Bharat હરિયાણાની ટીમે થોડા દિવસ પહેલા સવિતાના પરિવાર સાથે વાત કરી હતી, ત્યારબાદ તેના પિતા મહેન્દ્ર પૂનિયાએ કહ્યું હતું કે, અર્જુન એવોર્ડ મેળવવો દરેક ખેલાડીનું સપનું હોય છે. તેમણે કહ્યું કે, ભલે જુદા-જુદા રાજ્યનો અલગ એવોર્ડ હોય અને હવે તેમની પુત્રી સવિતાનું લક્ષ્ય હરિયાણાનો ભીમ એવોર્ડ છે.

આ પણ વાંચો- મનપ્રીતે ટીમની પ્રતિબદ્ધતાની પ્રશંસા કરતા કહ્યું, કામ હજી પૂરું થયું નથી

ટોક્યો ઓલિમ્પિકમાં ભારતીય મહિલા હોકી ટીમ ધ્વજ ફરકાવીને ગોલ્ડ મેડલ મેળવશે

ETV Bharat સાથેની વાતચીતમાં સવિતાના પિતા મહેન્દ્ર પૂનિયાએ મહાભારતના અર્જુનનું ઉદાહરણ આપતા કહ્યું કે, જેમ અર્જુનના તીર તેના ધ્યેય પર કેન્દ્રિત છે, તેવી જ રીતે સવિતા પાસે પણ ઓલિમ્પિકમાં જઈને મેડલ મેળવવાનું એક જ લક્ષ્ય છે. બીજી બાજુ સવિતાની માતા અને તેના આખા પરિવારને સંપૂર્ણ ઉમ્મીદ છે કે, ટોક્યો ઓલિમ્પિકમાં ભારતીય મહિલા હોકી ટીમ ધ્વજ ફરકાવીને ગોલ્ડ મેડલ મેળવશે.