સિનસિનાટી (યુએસએ):23 વખતના ગ્રાન્ડ સ્લેમ ચેમ્પિયન નોવાક જોકોવિચે ફરી એકવાર ફાઇનલમાં વિશ્વના નંબર વન કાર્લોસ અલ્કારાજને હરાવીને એટીપી માસ્ટર્સ 1000 ઈવેન્ટમાં પ્રભુત્વ જમાવ્યું છે. સર્બિયાના નોવાક જોકોવિચ અને સ્પેનના કાર્લોસ અલ્કારાઝ વચ્ચે રોમાંચક મેચ જોવા મળી હતી. ખૂબ જ પડકારજનક મેચમાં જોકોવિચે ફાઇનલમાં 5-7, 7-6(7), 7-6(4) થી જીત મેળવી હતી.
જોકોવિચનું આ 39મું માસ્ટર્સ ટાઈટલઃઅલ્કારાઝે ટાઈ બ્રેકરમાં પહેલો સેટ 7-5થી જીત્યો હતો. રમતના અંત સુધી બંને ખેલાડીઓ એકબીજાને ટક્કર આપતા રહ્યા હતા. આ પછી જોકોવિચે જબરદસ્ત વાપસી કરી અને આગલા 2 સેટ 7-6, 7-6થી જીતી લીધા હતા. જીત બાદ જોકોવિચ કોર્ટ પર સૂઈ ગયો અને જોરશોરથી ઉજવણી કરી હતી. જોકોવિચનું આ 39મું માસ્ટર્સ ટાઈટલ છે.
જોકોવિચે મેચ બાદ કહ્યુંઃ'આ એક શાનદાર મેચ હતી અને રોલર કોસ્ટરથી ઓછી નહોતી. મને નથી લાગતું કે મેં મારા જીવનમાં આવી વધુ મેચ રમી હોય. કદાચ હું તેની તુલના 2012 ઓસ્ટ્રેલિયન ઓપનમાં નડાલ સામેની મેચ સાથે કરી શકું જે ખૂબ જ પડકારજનક હતી. આ મેચમાં ત્રણ સેટ હતા, પરંતુ અમે લગભગ ચાર કલાક સુધી લડ્યા. આ મેચ મારી કારકિર્દીની માનસિક, ભાવનાત્મક અને શારીરિક રીતે સૌથી રોમાંચક અને સૌથી મુશ્કેલ મેચોમાંની એક છે.
કેન રોઝવોલના રેકોર્ડને તોડી નાખ્યોઃ જોકોવિચ હવે આ ટુર્નામેન્ટના ઈતિહાસનો સૌથી જૂનો ચેમ્પિયન બની ગયો છે અને તેણે 35 વર્ષીય કેન રોઝવોલના રેકોર્ડને તોડી નાખ્યો છે. બીજી તરફ, 20 વર્ષીય અલ્કારાઝ 1991માં 19 વર્ષીય પીટ સામ્પ્રાસ બાદ ઈવેન્ટમાં સૌથી નાની વયની ફાઈનલિસ્ટ હતો.
આ પણ વાંચોઃ
- Asia Cup 2023: એશિયા કપ માટે ભારતીય ટીમની જાહેરાત, શ્રેયસ અય્યર અને કેએલ રાહુલની વાપસી
- India vs Ireland T20: ભારતે આયર્લેન્ડને 33 રને હરાવ્યું, સિરીઝ 2-0 થી જીત મેળવી
- Antim Panghal: અંતિમ પંઘાલે રચ્યો ઈતિહાસ, જીત્યો સતત બીજી વખત ગોલ્ડ મેડલ
