બર્મિંગહામ:ભારતે મંગળવારે અહીં કોમનવેલ્થ ગેમ્સ બેડમિન્ટન મિશ્રિત ટીમ ઈવેન્ટની (Badminton Mixed Team Event) ફાઇનલમાં મલેશિયા સામે 1-3થી હાર્યા બાદ સિલ્વર મેડલથી સંતોષ કરવું પડ્યું હતું. આ મેચમાં ભારતના સિંગલ્સ ખેલાડીઓ અને મલેશિયાની ડબલ્સ જોડી પર નજર રાખવામાં આવી હતી. ભારતના સિંગલ્સ ખેલાડીઓ તેમના નીચલા ક્રમાંકિત હરીફો સામે અપેક્ષા મુજબ પ્રદર્શન કરી શક્યા નહીં કારણ કે, ભારત સુવર્ણ ચંદ્રકથી જીતવાથી ચૂકી ગયું હતું.
આ પણ વાંચો:સૂર્યકુમારની અડધી સદીની મદદથી ભારતે વેસ્ટ ઈન્ડિઝને સાત વિકેટે હરાવ્યું
કિદામ્બી શ્રીકાંતએ નિરાશ કર્યા: બીજી તરફ, મલેશિયાની ડબલ્સ જોડી અપેક્ષાઓ ઉપર ખરી ઉતરી. સાત્વિકસાઈરાજ રેન્કીરેડ્ડી અને ચિરાગ શેટ્ટીની વિશ્વની સાતમાં ક્રમાંકિત જોડી કોર્ટ પર પ્રથમ ઉતરી હતી. જોકે આ જોડી વિશ્વના છઠ્ઠા નંબરના ટેંગ ફોંગ, એરોન ચિયા અને વુ યીક સોહ સામે 18-21, 15-21થી હારી ગઈ હતી. બે વખતની ઓલિમ્પિક મેડલ વિજેતા અને વિશ્વની સાતમા નંબરની PV સિંધુ (PV Sindhu) પાસેથી ભારત પુનરાગમન કરે તેવી અપેક્ષા હતી. ભૂતપૂર્વ વિશ્વ ચેમ્પિયન સિંધુએ (World champion Sindhu) ભારતને બરાબરી તો અપાવી દીઘી હતી, પરંતુ તે મહિલા સિંગલ્સમાં સંપૂર્ણપણે રંગહીન દેખાતી હતી અને તેણે વિશ્વની 60માં નંબરની જિન વેઈ ગોહને 22-20, 17-21થી હરાવવા માટે સંઘર્ષ કર્યો હતો. વર્લ્ડ નંબર 13 કિદામ્બી શ્રીકાંતએ નિરાશ કર્યા. તે વિશ્વના નંબર 42 એનજી ટીજે યોંગ સામે પ્રથમ ગેમ 19-21થી હારી ગયો હતો, પરંતુ પછીની ગેમમાં તેણે 21-6થી એકતરફી જીત નોંધાવી હતી.
આ પણ વાંચો:સૂર્યકુમારની અડધી સદીની મદદથી ભારતે વેસ્ટ ઈન્ડિઝને સાત વિકેટે હરાવ્યું
ગતિ જાળવી રાખવામાં નિષ્ફળ: શ્રીકાંત જોકે ત્રીજી અને નિર્ણાયક ગેમમાં ગતિ જાળવી રાખવામાં નિષ્ફળ ગયો અને 16-21થી હારી ગયો અને ભારતને 1-2થી પાછળ છોડી દીધું. કુંગ લી પિયરલી ટેન અને મુરલીધરન થિન્નાહની વિશ્વની 11 ક્રમાંકની જોડીએ ત્યારબાદ ત્રિશા જોલી અને ગાયત્રી ગોપીચંદની (Gayatri Gopichand) 38 નંબરની જોડીને 21-18, 21-17થી હરાવીને મહિલા ડબલ્સમાં મલેશિયા માટે ગોલ્ડ મેડલ જીત્યો હતો.