રો'હિટ'મેન ફરી એક વખત હિટ, મુંબઈએ 5 મી વખત ખિતાબ જીત્યો

દુબઈમાં રમવામાં આવેલા ફાઈનલ મેચમાં મુબઈએ 5 વિકેટે જીત મેળવી IPLનું ટાઈટલ મેળવ્યું છે.

• પ્રથમ વખત ફાઈનલમાં પહોંચેલી દિલ્હીનો પરાજય
• હિટ મેનની ટીમે 5મી વખત જીત્યું ટાઈટલ
• ફરી એક વખત મુંબઈના હાથમાં આવી ટ્રોફી
• 5મી વખત મુંબઈ બની ચેમ્પિયન

દુબઈઃ IPL 13ના ફાઈનલ મેચમાં રોહિત શર્માની મુંબઈ ઈન્ડિયન્સે ઈતિહાસ રચી દિલ્હીને 5 વિકેટે હરાવ્યું છે.

મુંબઈ ટીમ

દિલ્હીની ટીમે 156 રન બનાવ્યા

દુબઈ ઈન્ટરનેશનલ સ્ટેડિયમમાં મંગળવારે રમવામાં આવી રહેલા મેચ દરમિયાન દિલ્હી કેપિટલ્સના કેપ્ટન શ્રેયસ અય્યરે ટૉસ જીતીને પ્રથમ બેટિંગનો નિર્ણય લીધો હતો. ટીમે 20 ઓવરમાં 7 વિકેટના નુકસાને 156 રન બનાવ્યા હતા. જેના જવામાં મુંબઈની ટીમે 19મી ઓવરમાં જીત મેળવી છે.

રોહિત-ડી કોકની 45 રનની ભાગીદારી

ક્વિન્ટન ડી કોકે પ્રથમ વિકેટ માટે રોહિત શર્મા સાથે 45 રનની ભાગીદારી કરી હતી. 5મી ઓવરના પહેલા જ બોલ પર માર્કસ સ્ટોઇનિસે ડી કોકને આઉટ કર્યો હતો. ત્યારબાદ સૂર્યકુમાર યાદવે 19 રન બનાવ્યા, રોહિત શર્માએ 68 રન બનાવ્યા, જ્યારે ઈશાન કિશને 19 બોલમાં 33 રનની તુફાની બેટિંગ કરી હતી.

ઉલ્લેખનીય છે કે, મુંબઈ માટે બોલ્ટે 3 અને નાથન કુલ્ટર નાઈલે 2 વિકેટ મેળવી હતી.