નવી દિલ્હીઃ ટીમ ઈન્ડિયાએ રાયપુરમાં રમાયેલી ચોથી T20 મેચમાં ઓસ્ટ્રેલિયાને 20 રને હરાવીને 5 મેચની T20 સિરીઝ જીતી લીધી છે. આ શ્રેણીની અંતિમ મેચ 3 ડિસેમ્બરે બેંગલુરુના એમ ચિન્નાસ્વામી સ્ટેડિયમમાં રમાશે. આ મેચ જીતીને ટીમ ઈન્ડિયા સૂર્યકુમાર યાદવની કેપ્ટન્સીમાં 4-1થી શ્રેણી જીતવા ઈચ્છશે. આ શ્રેણીની પ્રથમ 2 મેચ ભારતે જીતી હતી અને ત્રીજી મેચ ઓસ્ટ્રેલિયાએ જીતી હતી. ભારતે ચોથી મેચ જીતીને શ્રેણી જીતી લીધી છે. હાલમાં ટીમ ઈન્ડિયા શ્રેણીમાં 3-1થી આગળ છે. હવે તેની પાસે સિરીઝ 4-1થી જીતવાની તક હશે.
આ ખેલાડીઓને મળી શકે છે તકઃ ઓફ સ્પિનર વોશિંગ્ટન સુંદર અને ઓલરાઉન્ડર શિવમ દુબેને હજુ સુધી આ શ્રેણીમાં રમવાની તક મળી નથી. ટીમ ઈન્ડિયાએ આ શ્રેણી જીતી લીધી છે અને હવે કોચ વીવીએસ લક્ષ્મ અને કેપ્ટન સૂર્યકુમાર યાદવ આ બે ખેલાડીઓને પ્લેઈંગ 11માં તક આપવા ઈચ્છે છે. આ શ્રેણીમાં અત્યાર સુધી સ્પિન બોલરોએ સારું પ્રદર્શન કર્યું છે, તેથી સુંદરને બેંગલુરુમાં તક આપવામાં આવી શકે છે. જ્યારે આગામી સાઉથ આફ્રિકા સીરીઝ પહેલા દુબેને પણ અજમાવી શકાય છે.