અભિનેતા સલમાન ખાન જીજાજી આયુષ શર્મા સાથે મચાવશે ધૂમ, ફિલ્મ 'અંતિમ'નું પહેલું પોસ્ટર કર્યું શેર

બોલીવુડ અભિનેતા સલમાન ખાને ગણેશ ચતુર્થી પહેલા તેના ફેન્સને મોટી ભેટ આપી છે. હાલમાં જ સલમાન ખાને ઈન્સ્ટાગ્રામ પર તેની આગામી ફિલ્મ 'અંતિમ'નું લેટેસ્ટ પોસ્ટર શેર કર્યું છે, જેમાં સલમાનની સાથે અભિનેતા આયુષ શર્મા પણ જોવા મળી રહ્યો છે.

• અભિનેતા સલમાન ખાને આગામી ફિલ્મનું પોસ્ટર કર્યું શેર
• સલમાને 'અંતિમ' ફિલ્મનું પહેલું પોસ્ટર કર્યું શેર
• ફિલ્મમાં સલમાનની સાથે આયુષ શર્મા પણ જોવા મળશે

અમદાવાદઃ બોલીવુડ અભિનેતા સલમાન ખાને તાજેતરમાં જ ઈન્સ્ટાગ્રામ પર તેની આગામી ફિલ્મ 'અંતિમઃ ધ ફાઈનલ ટ્રુથ'નું ફર્સ્ટ પોસ્ટર શેર કર્યું છે, જે તેના ફેન્સને ઘણું પસંદ આવી રહ્યું છે. આ પોસ્ટરમાં સલમાનની સાથે સાથે અભિનેતા આયુષ શર્મા પણ જોવા મળી રહ્યો છે. પોસ્ટર જોઈને લાગી રહ્યું છે કે, ફિલ્મ ઘણી જ રોમાંચક હશે.

આવતીકાલે 'વિઘ્ન હર્તા' ગીત રિલીઝ થશે

પોસ્ટરમાં બંને અભિનેતા એકબીજાની આંખમાં આંખ નાખીને જોતા હોય તેવું દેખાઈ રહ્યું છે. બંનેના ફેન્સ આ પોસ્ટરને ઘણું જ પસંદ કરી રહ્યા છે. ઉલ્લેખનીય છે કે આ જ ફિલ્મનું 'વિઘ્ન હર્તા' ગીત આવતીકાલે રિલીઝ થશે. આ ગીતનું ટીઝર સલમાન ખાને તેના ઇન્સ્ટાગ્રામ પર આજે શેર કર્યું છે.

ફિલ્મમાં 2 મેઈન લીડના સંઘર્ષને બતાવાશે

પોસ્ટરની ડિઝાઈન જોવામાં ઘણી જ ઈન્ટેન્સ છે અને આ 2 મેઈન લીડની વચ્ચેના સંઘર્ષને બતાવે છે. ફિલ્મમાં એક પોલીસવાળો અને અલગ-અલગ વિચારધારાવાળા ગેંગસ્ટરની વાર્તા બતાવવામાં આવશે. આમાં સલમાન ખાન સિવાય આયુષ શર્મા પણ મુખ્ય રોલમાં હશે. ફિલ્મમાં 2 અલગ અલગ દુનિયા અને વિચારધારાવાળા 2 નાયકોની વાર્તા છે, જેમાં રૂંવાડા ઊભા કરી દે તેવો અંત જોવા મળશે. સલમાન ખાને ઈન્સ્ટાગ્રામ પર આ પોસ્ટર શેર કરતા તેના ફેન્સને ગિફ્ટ આપી છે. આ સાથે જ સલમાને કેપ્શનમાં લખ્યું હતું કે, 'બુરાઈ કે અંત કી શરૂઆત, ગણપતિ બપ્પા મોરયા.' જો કે આ ફિલ્મનું નિર્દેશન મહેશ માંજરેકર કરશે.

વધુ વાંચો: આ તારીખે રિલીઝ થશે સલમાનની ફિલ્મ 'અંતિમ'નું ગીત, વરુણ ધવનનો ધમાકેદાર ડાન્સ જોવા મળશે

વધુ વાંચો:બોલીવુડ અભિનેતા અક્ષય કુમારની માતા અરુણા ભાટિયાનું નિધન