પોર્નોગ્રાફી કેસમાં ઝડપાયેલો રાજ કુંદ્રા 23 જુલાઇ સુધી પોલીસ કસ્ટડીમાં

બોલિવુડ અભિનેત્રી શિલ્પા શેટ્ટી (Bollywood actress Shilpa Shetty)ના ઉદ્યોગપતિ પતિ રાજ કુંદ્રા (Raj Kundra)ની અશ્લીલ ફિલ્મો (pornographic films) બનાવવાના કેસમાં મુંબઈ પોલીસે (Mumbai Police) સોમવારે ધરપકડ કરી હતી.રાજ કુન્દ્રાની જેજે હોસ્પિટલમાં મુંબઇ પોલીસે મેડિકલ તપાસ કરાવી હતી.

• બોલિવુડ અભિનેત્રી શિલ્પા શેટ્ટીના પતિની ધરપકડ
• રાજ કુંદ્રાની સોમવારે મુંબઈ પોલીસ દ્વારા ધરપકડ
• અશ્લીલ ફિલ્મો બનાવવા અને પ્રકાશિત કરવાના આરોપ

મુંબઇ : બોલિવુડ અભિનેત્રી શિલ્પા શેટ્ટી (Bollywood actress Shilpa Shetty)ના પતિ રાજ કુંદ્રા (Raj Kundra)ને સોમવારે અશ્લીલ ફિલ્મો (pornographic films) બનાવવા અને પ્રકાશિત કરવાના આરોપમાં મુંબઈ પોલીસે ધરપકડ કરી હતી. આ કેસમાં રાજકુંદ્રાને 23 જુલાઇ સુધી પોલિસ કસ્ટડીમાં મોકલવામાં આવ્યો છે.

અશ્લીલ ફિલ્મો બનાવી તેને પ્રકાશિત કરવાનો કેસ નોંધાયો

એક વરિષ્ઠ અધિકારીએ જણાવ્યું હતું કે, કુંદ્રાની ક્રાઈમ બ્રાંચ દ્વારા ધરપકડ કરવામાં આવી છે. મુખ્ય ષડયંત્રકાર હોવાની શંકાના આધારે તેની ધરપકડ કરવામાં આવી છે. ફેબ્રુઆરી 2021માં ક્રાઇમ બ્રાંચે મુંબઈમાં અશ્લીલ ફિલ્મો બનાવવા અને અમુક એપ્સ દ્વારા તેને પ્રકાશિત કરવા માટે કેસ નોંધ્યો હતો.

આ સંદર્ભમાં પૂરતા પુરાવા છે- પોલીસ કમિશ્નરે

મુંબઈ પોલીસ કમિશ્નરે (Mumbai Police Commissioner) એક નિવેદનમાં જણાવ્યું હતું કે, 'અમે રાજ કુંદ્રાની ધરપકડ કરી છે, કારણ કે, તે મુખ્ય ષડયંત્રકાર હોવાનું જણાય છે. અમારી પાસે આ સંદર્ભમાં પૂરતા પુરાવા છે. આ મામલે આગળ તપાસ ચાલુ છે.