મુંબઈ: બોલિવૂડના મહાનાયક અમિતાભ બચ્ચન અને તેમના પરિવારજનો કોરોના સંક્રમિત થતા દેશભરમાંથી તેમના ચાહકો દ્વારા પ્રાર્થનાઓ તથા હવન, જાપ યોજી તેમના સ્વાસ્થ્ય માટે શુભેચ્છાઓનો વરસાદ થઇ રહ્યો છે. જેના માટે બિગ બીએ તેમના સોશીયલ મીડિયા એકાઉન્ટ પર ચાહકોનો આભાર માન્યો હતો.
બિગ બીએ લખ્યું, "પ્રાર્થનાઓ, સદ્ભાવના ઓનાં મુશળધાર વરસાદે સ્નેહ રૂપી બંધન તોડી નાખ્યાં છે અને હું તેમાં વહી ગયો છું. મારા એકાંતના અંધકારને તમે સૌ પ્રજ્વલિત કર્યો છે. વ્યક્તિગત આભાર હું માની નહી શકું પરંતુ તમારા સૌના પ્રેમ બદલ હું નતમસ્તક છું."