કિવ: યુદ્ધવિરામ વચ્ચે યુક્રેનઅને રશિયા વચ્ચે યુદ્ધ (Ukraine Russia War) ચાલુ છે. યુક્રેને ખાર્કિવમાં રશિયન મેજર જનરલ વિટાલી ગેરાસિમોવની હત્યા (Ukraine kills Russian Major General) કરી છે. કિવ ઇન્ડિપેન્ડન્ટે યુક્રેનના સંરક્ષણ મંત્રાલયના મુખ્ય ગુપ્તચર નિર્દેશાલયને ટાંકીને આની જાણ કરી છે. કિવ ઇન્ડિપેન્ડન્ટે એક ટ્વિટમાં લખ્યું કે, યુક્રેનના સંરક્ષણ મંત્રાલયના મુખ્ય ગુપ્તચર વિભાગે કહ્યું કે, યુક્રેનએ ખાર્કિવ પાસે રશિયન મેજર જનરલ વિતાલી ગેરાસિમોવની હત્યા કરી. ગેરાસિમોવ એક વરિષ્ઠ લશ્કરી અધિકારી હતા જેમણે બીજા ચેચન યુદ્ધમાં ભાગ લીધો હતો અને ક્રિમીઆના જોડાણ માટે તેમને ચંદ્રક એનાયત કરવામાં આવ્યો હતો.
આ પણ વાંચો:Ukraine Russia invasion : 400 ભારતીયોને આજે સ્વદેશ પરત લાવવામાં આવશે
રશિયા અને યુક્રેન વચ્ચે શાંતિ મંત્રણાનો ત્રીજો રાઉન્ડ યોજાયો હતો
સોમવારે બેલારુસમાં રશિયા અને યુક્રેન વચ્ચે શાંતિ મંત્રણાનો ત્રીજો રાઉન્ડ પણ યોજાયો હતો, પરંતુ બેઠક અનિર્ણિત રહી હતી. યુક્રેનિયન પ્રતિનિધિમંડળના સભ્ય માયખાઈલો પોડોલિકે જણાવ્યું હતું કે, યુદ્ધવિરામ અને સુરક્ષા ગેરંટી સહિત સોદાના મુખ્ય રાજકીય બ્લોક પર ઊંડાણપૂર્વક પરામર્શ ચાલી રહી છે. યુક્રેનમાં માનવતાવાદી કોરિડોરની લોજિસ્ટિક્સને સુધારવામાં થોડી પ્રગતિ કરવામાં આવી છે.
અમને આશા છે કે આગામી વખતે અમે વધુ એક મહત્વપૂર્ણ પગલું આગળ લઈ શકીશું : વ્લાદિમીર મેડિન્સકી
રશિયન રાષ્ટ્રપતિના સહાયક અને રશિયન પ્રતિનિધિમંડળના વડા વ્લાદિમીર મેડિન્સકીએ કહ્યું કે, રાજકીય અને લશ્કરી પાસાઓ પર ચર્ચા ચાલી રહી છે. જો કે, તે મુશ્કેલ રહે છે. સકારાત્મક કંઈક વિશે વાત કરવી ખૂબ જ વહેલું છે. મેડિન્સકીએ મીટિંગ પછી કહ્યું કે, "અમને આશા છે કે આગામી વખતે અમે વધુ એક મહત્વપૂર્ણ પગલું આગળ લઈ શકીશું." તમને જણાવી દઈએ કે મીટિંગ લગભગ 3 કલાક સુધી ચાલી હતી. રશિયાએ યુક્રેનમાંથી નાગરિકોને બહાર કાઢવા માટે કેટલાક વિસ્તારોમાં માનવતાવાદી કોરિડોર ખોલવા માટે સોમવારે સવારથી યુદ્ધવિરામની જાહેરાત કરી હતી. કોરિડોરની નવી જાહેરાત છતાં, રશિયન દળોએ કેટલાક યુક્રેનિયન શહેરો પર રોકેટ હુમલા અને કેટલાક વિસ્તારોમાં ભીષણ લડાઈ ચાલુ રાખી હતી.
1.7 મિલિયનથી વધુ લોકોએ યુદ્ધગ્રસ્ત યુક્રેન છોડીને સુરક્ષિત સ્થળોએ આશરો લીધો
UN શરણાર્થી એજન્સીનું કહેવું છે કે, અત્યાર સુધીમાં 1.7 મિલિયનથી વધુ લોકોએ યુદ્ધગ્રસ્ત યુક્રેન છોડીને સુરક્ષિત સ્થળોએ આશરો લીધો છે. શહેરોમાં ગોળીબારમાં અન્ય ઘણા લોકો ફસાયા છે. મેરીયુપોલમાં ખોરાક, પાણી અને દવાઓની અછત છે. યુક્રેનિયન સત્તાવાળાઓએ કિવના ઉપનગરોમાં વિનાશક દ્રશ્ય વચ્ચે નાગરિકોને બહાર કાઢવામાં નિષ્ફળતાની જાણ કરી છે. દરમિયાન, બંને પક્ષોના અધિકારીઓ સોમવારે ત્રીજા રાઉન્ડની વાતચીત કરવાની પણ યોજના ધરાવે છે.
આ પણ વાંચો:WAR 13th Day : યુદ્ધવિરામની ઘોષણા - રશિયા-યુક્રેનની બેઠકમાં કોઈ પરિણામ ન આવ્યું, ઘણા વિસ્તારોમાં યુદ્ધ ચાલુ
યુક્રેનિયન સરકારે આઠ માર્ગો પ્રસ્તાવિત કર્યા
નવા યુદ્ધવિરામ પ્રસ્તાવમાં મોટાભાગના બહાર નીકળવાના માર્ગો રશિયા અથવા તેના સાથી બેલારુસ તરફ છે. યુક્રેનના નાયબ વડાપ્રધાન ઇરિના વેરેશચુકે આ પગલાંને અસ્વીકાર્ય ગણાવ્યું હતું. તેના બદલે યુક્રેનિયન સરકારે આઠ માર્ગો પ્રસ્તાવિત કર્યા જે નાગરિકોને યુક્રેનના પશ્ચિમી પ્રદેશોમાં કોઈ રશિયન તોપમારા વિના જવાની મંજૂરી આપશે. બીજી તરફ વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિન અને યુક્રેનના રાષ્ટ્રપતિ વોલોદમીર ઝેલેન્સકી સાથે ફોન પર મહાન યુદ્ધને લઈને વાત કરી હતી. ભારતે બંને દેશો વચ્ચે મધ્યસ્થીની ભૂમિકા ભજવવાની ઓફર કરી છે.
