ન્યૂઝ ડેસ્ક : યુક્રેન-રશિયામાં યુદ્ધ શરૂ થઈ ગયું છે. કિવ સહિત યુક્રેનના અલગ-અલગ ભાગોમાં વિસ્ફોટો શરૂ થઈ ગયા છે. કહેવામાં આવી રહ્યું છે કે, કિવ પર ક્રુઝ અને બેલેસ્ટિક મિસાઈલથી હુમલો કરવામાં આવ્યો છે. કિવ ઉપરાંત ખાર્કિવ શહેરમાં પણ બ્લાસ્ટ થયા હતા. આ પહેલા ગુરુવારે સવારે ડોનેત્સ્કમાં પાંચ વિસ્ફોટ થયા હતા. તમને જણાવી દઈએ કે ડોનેત્સ્ક, જ્યાં 5 વિસ્ફોટ થયા હતા, તે 2 વિસ્તારોમાંથી એક છે, જેને રશિયાએ નવા દેશ તરીકે માન્યતા આપી છે. રશિયન રાષ્ટ્રપતિ વ્લાદિમીર પુતિને યુક્રેન વિરુદ્ધ લશ્કરી કાર્યવાહીની જાહેરાત કરતા જ વિસ્ફોટોની ઘટના શરૂ થઈ છે.
યુક્રેનની સેનાનો જડબાતોડ જવાબ
યુક્રેન-રશિયા સંઘર્ષ યુદ્ધમાં (Ukraine Russia conflict) ફેરવાઈ ગયો છે. યુક્રેનની સેનાએ (Ukraine military attacks Russia) દાવો કર્યો છે કે, તેણે પાંચ રશિયન વિમાનોને તોડી પાડ્યા (Ukraine shot down five Russian planes) છે. ન્યૂઝ એજન્સી ANIએ રોઈટર્સને ટાંકીને કહ્યું કે, યુક્રેન પર રશિયાના હુમલા બાદ યુક્રેનની સેનાએ જડબાતોડ જવાબ આપ્યો.
પાંચ રશિયન વિમાનો ઠાર
યુક્રેનિયન સૈન્યએ કહ્યું છે કે, લુહાન્સ્ક પ્રદેશમાં પાંચ રશિયન વિમાનો(Ukraine military five Russian planes shot) અને એક હેલિકોપ્ટરને ઠાર કરવામાં આવ્યા છે. આ પહેલા ગુરુવારે વહેલી સવારે સમાચાર આવ્યા હતા કે યુક્રેનના અલગ-અલગ શહેરોમાંથી સતત વિસ્ફોટ (helicopter shot down in Luhansk region) થઈ રહ્યા છે.
યુક્રેનિયન સૈન્યના હવાઈ સંરક્ષણનો નાશ
યુક્રેન સાથેના યુદ્ધની વચ્ચે, રશિયન સૈન્યએ દાવો કર્યો છે કે તેણે યુક્રેનની હવાઈ સંરક્ષણ સંપતિઓ અને હવાઈ મથકોને નષ્ટ કરી દીધા છે (Ukraine air refences knocked out). રશિયાના સંરક્ષણ મંત્રાલયે જણાવ્યું હતું કે, રશિયા દ્વારા કરવામાં આવેલા હુમલામાં યુક્રેનિયન સૈન્યના હવાઈ સંરક્ષણનો નાશ થયો છે.
સૈન્ય યુનિટનું ઈન્ફ્રાસ્ટ્રક્ચર નિષ્ક્રિય
રશિયન સૈન્યએ દાવો કર્યો છે કે યુક્રેનના સૈન્ય યુનિટનું ઈન્ફ્રાસ્ટ્રક્ચર નિષ્ક્રિય થઈ ગયું છે. યુક્રેનની સેનાએ દાવો કર્યો છે કે યુક્રેનની જવાબી કાર્યવાહી દરમિયાન રશિયાના પાંચ વિમાનોને તોડી પાડવામાં આવ્યા છે. આ અંગે રશિયાએ કહ્યું કે, યુક્રેનના હુમલામાં કોઈ રશિયન યુદ્ધ વિમાનને નુકસાન થયું નથી.
રશિયા વિરુદ્ધ નિંદા પ્રસ્તાવ
સુરક્ષા પરિષદમાં નિંદા પ્રસ્તાવ લાવવામાં આવશે આ હુમલા પર સંયુક્ત રાષ્ટ્રમાં અમેરિકી રાજદૂત લિન્ડા થોમસનું કહેવું છે કે, તે સંયુક્ત રાષ્ટ્ર સુરક્ષા પરિષદમાં રશિયા વિરુદ્ધ નિંદા પ્રસ્તાવ રજૂ કરશે. તેમણે કહ્યું કે, કાઉન્સિલે આ મામલે કંઈક કરવું પડશે. અમે તેને આવતીકાલે પ્રસ્તાવિત કરીશું.
ક્રૂડ ઓઇલ 100 ડોલર સુધી પહોંચી ગયું છે
રશિયાના યુક્રેન પર હુમલાના સમાચાર આવતાની સાથે જ ક્રૂડ ઓઈલના ભાવમાં પણ વધારો થયો હતો. ક્રૂડ ઓઈલ 100 ડોલર પ્રતિ બેરલની સપાટીએ પહોંચી ગયું છે.
NATO ચીફએ કરી નિંદા
આ સાથે જ નાટો ચીફ જેન્સ સ્ટોલ્ટનબર્ગ રશિયાના હુમલા પર નિંદા કરી છે. તેમણે આ બિનજરૂરી હુમલો ગણાવ્યો છે. તેમણે ચેતવણી આપી હતી કે, આનાથી અસંખ્ય લોકોના જીવ જોખમમાં મુકાશે. આ ઉપરાંત તેમણે કહ્યું હતું કે, "હું યુક્રેન પર રશિયાના અવિચારી અને ઉશ્કેરણી વિનાના હુમલાની સખત નિંદા કરું છું" અમારા ઘણા પ્રયત્નો અને ચેતવણીઓ છતાં, રશિયાએ આક્રમકતાનો માર્ગ પસંદ કર્યો જે યોગ્ય નથી.
એર ઈન્ડિયાનું પ્લેન પાછું આવી રહ્યું છે
યુક્રેનમાં ફસાયેલા ભારતીય લોકોને બચાવવા ગયેલું એર ઈન્ડિયાનું એરક્રાફ્ટ AI1947, યુક્રેનના કિવમાં NOTAM (નોટિસ ટુ એર મિશન)ના કારણે દિલ્હી પરત આવી રહ્યું છે.
રાજધાની કિવમાં વિસ્ફોટ
રશિયાએ યુક્રેનમાં લશ્કરી કાર્યવાહીની જાહેરાત કર્યા બાદ તરત જ યુક્રેનની રાજધાની કિવમાં મુખ્ય એરપોર્ટ નજીક બહુવિધ વિસ્ફોટો સાંભળવામાં આવ્યા હતા. CNN દ્વારા મળતી માહિતી પ્રમાણે, રાજધાનીના પૂર્વમાં બોરીસ્પિલ વિસ્તારમાં અનેક વિસ્ફોટો થયા હોવાની ઘટના સામે આવી રહી છે.
યુક્રેનના વિદેશ પ્રધાને કહ્યું- અમે જીતીશું
અહીં રશિયાની સૈન્ય કાર્યવાહી બાદ યુક્રેનના વિદેશ પ્રધાનનું નિવેદન સામે આવ્યું છે. તેમણે કહ્યું કે, રશિયાએ અમારા પર હુમલો કર્યો છે. તેણે વધુમાં કહ્યું કે, યુક્રેનના શાંતિપૂર્ણ શહેરોમાં હુમલા કરવામાં આવી રહ્યા છે. આ યુદ્ધ તરફ એક પગલું છે. યુક્રેન આનાથી પોતાનો બચાવ કરશે અને જીતશે. આ સાથે તેણે આગળ કહ્યું કે, દુનિયાએ આગળ આવીને પુતિનને રોકવું જોઈએ. હવે એક્શનનો સમય છે.
આ પણ વાંચો :Ukraine Russian Crisis : યુક્રેને કટોકટી કરી જાહેર
2 લાખ સૈનિકો તૈનાત
જણાવવામાં આવ્યું છે કે, યુક્રેનના અલગ-અલગ શહેરોમાંથી સતત વિસ્ફોટના અહેવાલો મળી રહ્યા છે. AFP અનુસાર, પુતિને યુક્રેન પર સૈન્ય કાર્યવાહીનો આદેશ આપતા કહ્યું કે, રશિયાનો તેના પર કબજો કરવાનો કોઈ ઈરાદો નથી. પરંતુ જો કોઈ બાહ્ય ખતરો હશે તો તેનો તરત જ જવાબ આપવામાં આવશે. આ સાથે રશિયાએ યુક્રેનની સરહદ પાસે લગભગ 2 લાખ સૈનિકો તૈનાત કર્યા છે. અહીં યુક્રેનની રાજધાની કિવમાં વિસ્ફોટના અનેક અવાજો સંભળાઈ રહ્યા છે. યુક્રેનના ત્રીજા સૌથી મોટા શહેર ક્રેમટોર્સ્ક અને ઓડેસામાં વિસ્ફોટનો અવાજ સાંભળી શકાય છે.
યુક્રેન-રશિયા યુદ્ધ ટાળી શકાય નહીં : પુતિન
રશિયાના રાષ્ટ્રપતિ વ્લાદિમીર પુતિને કહ્યું કે, યુક્રેન-રશિયા યુદ્ધ ટાળી શકાય નહીં. તેથી જ રશિયા વિશેષ સૈન્ય અભિયાન શરૂ કરી રહ્યું છે. તેનો ધ્યેય યુક્રેનનું ડિમિલિટરાઇઝેશન છે. પુતિને યુક્રેનિયન સૈન્યને શસ્ત્રો નીચે મૂકવા અને ઘરે જવા કહ્યું છે.
આ પણ વાંચો :Russia-Ukraine crisis : ગેસ સંકટનો સામનો કરવા કતાર પર ટકી યુરોપની નજર
પુતિને ધમકી આપી
પુતિને કહ્યું હતું કે, જે કોઈ પણ વ્યક્તિ અમારી કાર્યવાહી સાથે દખલગીરી કરવાનો પ્રયાસ કરશે અથવા અમારા લોકો માટે ખતરો ઉભો કરશે, તો તેને જણાવી દઇએ કે રશિયાનો જવાબ તાત્કાલિક હશે અને તેના પરિણામો તમે તમારી રીતે જોયા હશે. ઈતિહાસમાં આ પહેલા ક્યારેય અનુભવ્યું નથી.
સંયુક્ત રાષ્ટ્ર સુરક્ષા પરિષદ બેઠક
રશિયાની કાર્યવાહી વચ્ચે સંયુક્ત રાષ્ટ્ર સુરક્ષા પરિષદ (UNSC)ની બેઠક પણ ચાલી રહી છે. આમાં રશિયાના પ્રતિનિધિએ કહ્યું, 'પુતિને જે સ્પેશિયલ ઓપરેશનની જાહેરાત કરી છે તે યુક્રેનના લોકોને બચાવવા માટે છે જેઓ વર્ષોથી પીડાતા હતા. અમે યુક્રેનમાં નરસંહાર રોકવા માંગીએ છીએ. જે પણ નિર્ણયો લેવામાં આવ્યા છે તે યુએન ચાર્ટરની કલમ 51 મુજબ છે. અમે સ્થિતિ પર નજર રાખી રહ્યા છીએ.
આ પણ વાંચો :Ukraine Russian Crisis : બાઈડને રશિયાના અલીગાર્ચ, બેંકો પર પ્રતિબંધોની કરી જાહેરાત
યુક્રેનના પ્રતિનિધિઓ આપ્યું નિવેદન
તે જ સમયે, યુએનની આ ઇમરજન્સી બેઠકમાં યુક્રેનના પ્રતિનિધિઓ પણ હાજર હતા. તેમણે કહ્યું કે રશિયાના રાષ્ટ્રપતિ (પુતિન)એ રેકોર્ડ પર યુદ્ધની જાહેરાત કરી છે. હવે યુદ્ધ રોકવાની જવાબદારી આ સંસ્થા (યુએન)ની છે. હું દરેકને કહું છું કે આ યુદ્ધ બંધ કરો. શું મારે અહીં તે વિડિયો પણ ચલાવવો જોઈએ જેમાં પુતિને યુદ્ધની જાહેરાત કરી હતી?
અમેરિકાનો જવાબ
યુક્રેન પર રશિયાની સૈન્ય કાર્યવાહી બાદ અમેરિકી રાષ્ટ્રપતિ જો બિડેને કહ્યું કે, "હું આજે સાંજે વ્હાઇટ હાઉસમાંથી પરિસ્થિતિ પર નજર રાખીશ અને મારી રાષ્ટ્રીય સુરક્ષા ટીમ પાસેથી નિયમિત અપડેટ મેળવીશ. આવતીકાલે, હું સવારે મારા G7 સમકક્ષો સાથે મળીશ... અમે અમારા નાટો સહયોગીઓ સાથે સંકલન કરીશું"
યુક્રેને ડુ નોટ ફ્લાય ઝોન જાહેર કર્યો
યુક્રેન બોર્ડર પર બગડતી પરિસ્થિતિને કારણે ઘણી એરલાઈન્સે તે વિસ્તારને ડુ નોટ ફ્લાય ઝોન તરીકે પણ જાહેર કર્યો છે. આવું કરનારાઓની યાદીમાં યુરોપિયન કેરિયર્સનો પણ સમાવેશ થાય છે. કોમર્શિયલ એવિએશને સ્પષ્ટતા કરી છે કે યુક્રેન-રશિયા સરહદ હવે પ્રતિબંધિત જગ્યા છે. ખાર્કિવ સહિત યુક્રેનના ઘણા એરપોર્ટે હવે તમામ ફ્લાઇટ્સ સ્થગિત કરી દીધી છે.
