મુંબઈ, 10 જાન્યુઆરી:બહુપ્રતિક્ષિત પઠાણનું ટ્રેલર આખરે રિલીઝ થઈ ગયું (Pathaan movie trailer released) છે. મંગળવારે, નિર્માતાઓએ ચાહકો માટે શાહરૂખની ફિલ્મની ઝલક શેર કરી શાહરૂખ અને દીપિકા આ ફિલ્મમાં ચોથી વખત જોડી બન્યા છે. 'ઓમ શાંતિ ઓમ', 'ચેન્નાઈ એક્સપ્રેસ'ની જેમ આ ફિલ્મ પણ બોક્સ ઓફિસ પર બ્લોકબસ્ટર હિટ બને તેવું મેકર્સ ઈચ્છે છે. 'ઝીરો'ની રિલીઝના 4 વર્ષ બાદ બોલિવૂડની 'બાજીગર' આ ફિલ્મથી મોટા પડદા પર કમબેક કરી રહી છે. શાહરૂખના 57માં જન્મદિવસ પર યશરાજ ફિલ્મ્સ દ્વારા ફિલ્મનું ટીઝર રિલીઝ કરવામાં આવ્યું હતું. બેશરામ રંગનું પહેલું ગીત રિલીઝ થતાં જ વિવાદ (Pathan film controversy) શરૂ થયો હતો.
આ પણ વાંચો:અવતારે એન્ડગેમને આપી ધોબી પછાડ, 24 દિવસમાં 454 કરોડની આવક
પઠાણ સ્ટોરી: હવે આ ફિલ્મનું બહુપ્રતિક્ષિત ટ્રેલર સામે આવ્યું છે. સિદ્ધાર્થ આનંદ દ્વારા નિર્દેશિત આ ફિલ્મમાં શાહરૂખ ભારતીય જાસૂસની ભૂમિકા ભજવે છે. જેમણે અગાઉ ભારતને વિવિધ ગુપ્ત મિશનમાં મદદ કરી છે. પરંતુ આ ફિલ્મની વાર્તા અનુસાર તે એક મિશન પર હતા, ત્યારે વિદેશીઓએ પકડ્યો હતો. તે જીવંત છે કે મરી ગયો છે તેની ખાતરી માટે કોઈ જાણતું નથી. પરંતુ કોઈ 'પઠાણ' હજી મરી ગયો નથી. તે ફરીથી પુનરાગમન માટે તૈયાર છે. બોલિવૂડના બેતાજ બાદશાહની જેમ જ સ્ક્રીન પર કમબેક કરવા માટે તૈયાર છે.