મુંબઈઃ મુંબઈ પોલીસે અભિનેતા સલમાન ખાનને ધમકીભર્યા ઈમેલ મોકલવાના આરોપમાં એક વ્યક્તિ વિરુદ્ધ લુકઆઉટ નોટિસ જારી કરી છે. મુંબઈ પોલીસ અધિકારીઓના જણાવ્યા અનુસાર આ વ્યક્તિએ માર્ચમાં ગેંગસ્ટર ગોલ્ડી બ્રારના નામે 'દબંગ' સ્ટારને કથિત રીતે ધમકીભર્યા સંદેશા મોકલ્યા હતા. સલમાન જેને લાંબા સમયથી જાનથી મારી નાખવાની ધમકીઓ મળી રહી છે. તેણે તાજેતરમાં જ વાત કરી કે, તે તેની સાથે કેવી રીતે વ્યવહાર કરી રહ્યો છે. એક TV શોમાં સલમાને જાનથી મારી નાખવાની ધમકીઓ મળ્યા બાદ મુંબઈ પોલીસ તરફથી મળેલી સલમાને Y+ કેટેગરીની સુરક્ષા વિશે પણ વાત કરી હતી.
અભિનેતાને સુરક્ષા: સલામન ખાને કહયું હતું કે, "અસુરક્ષા કરતાં સલામતી સારી છે. હા સુરક્ષા છે. હવે રસ્તા પર સાયકલ ચલાવીને ક્યાંય પણ એકલા જવું શક્ય નથી. તેનાથી પણ વધુ હવે મને આ સમસ્યા છે કે જ્યારે હું ટ્રાફિકમાં હોઉં છું, ત્યારે ત્યાં આવું થાય છે. ઘણી સુરક્ષા, વાહનો અન્ય લોકોને અસુવિધા ઉભી કરે છે. તેઓ પણ મને એક નજર આપે છે."
ભયભીત અભિનેતા: સલમાને વધમાં જણાવ્યું હતું કે, "મને જે કહેવામાં આવ્યું છે તે હું કરી રહ્યો છું. એક ડાયલોગ છે 'કિસી કા ભાઈ કિસી કી જાન' 'તેઓ 100 વાર નસીબદાર બનવું પડશે, મારે એક વાર નસીબદાર બનવું પડશે'. તેથી મારે ખૂબ કાળજી લેવી પડશે." તેણે સ્વીકાર્યું કે તેની આસપાસ આટલી બધી બંદૂકો જોઈને તે ઘણીવાર ડરી જાય છે.
- The Kerala Story: 'ધ કેરલા સ્ટોરી'ના ક્રૂ મેમ્બરને મળી ધમકી, મુંબઈ પોલીસે સુરક્ષા પૂરી પાડી
- The Kerala Story: બંગાળમાં 'ધ કેરલા સ્ટોરી' જોઈ શકશે નહીં, ફિલ્મ પર પ્રતિબંધ મૂકનાર પ્રથમ રાજ્ય
- Bandaa trailer: રેપ પીડિતા માટે કોર્ટમાં લડતા મનોજ બાજપેયી, અહિં જુઓ ફિલ્મનું રસપ્રદ ટ્રેલર
અભિનેતાનું નિવેદન: "હું સંપૂર્ણ સુરક્ષા સાથે દરેક જગ્યાએ જઈ રહ્યો છું. હું જાણું છું કે, જે પણ થવાનું છે તે થશે. પછી ભલે તમે જે પણ કરો. હું માનું છું કે, (ઈશ્વર તરફ ઈશારો કરે છે) કે તે ત્યાં છે. એવું નથી કે, હું મુક્તપણે ફરવા લાગીશ, એવું નથી. હવે મારી સાથે એટલી બધી બંદૂકો ફરે છે કે આ દિવસોમાં હું પોતે ડરી ગયો છું." આ દરમિયાન વર્ક ફ્રન્ટ પરની વાત કરીએ તો સલમાન 'ટાઈગર 3' માં કેટરિના કૈફ સાથે સ્ક્રીન સ્પેસ શેર કરતો જોવા મળશે. આ ફિલ્મ દિવાળી દરમિયાન થિયેટરોમાં જોવા મળશે.
