હૈદરાબાદ: કરણ જોહર અને SS રાજામૌલી વચ્ચેની રમૂજી વાતચીત વાયરલ થઈ રહી છે. જેમાં રાજામૌલી સમજાવે છે કે, શા માટે ધર્મા પ્રોડક્શન્સ RRRના હિન્દી સંસ્કરણ માટે પ્રસ્તુતકર્તા ન હતા ? SS રાજામૌલીની ફિલ્મ RRR અનેક આંતરરાષ્ટ્રીય પ્રતિષ્ઠિત પુરસ્કારોમાં ભારતને ગૌરવ અપાવી રહી છે. સાઉથ ફિલ્મ ઈન્ડસ્ટ્રીના દિગ્ગજ દિગ્દર્શક SS રાજામૌલીની મેગ્નમ ઓપસ ફિલ્મ RRRની સફળતા સમગ્ર વિશ્વમાં ધૂમ મચાવી રહી છે. વિશ્વભરમાં બોક્સ ઓફિસ પર 1100 કરોડથી વધુની કમાણી કરનાર ફિલ્મ 'RRR'એ ફરી એકવાર જીત મેળવી છે. આ ફિલ્મે ક્રિટીક્સ ચોઈસ એવોર્ડ્સ 2023માં બે કેટેગરીમાં એવોર્ડ જીત્યા છે. જુનિયર NTR અને રામ ચરણ અભિનીત ફિલ્મને શ્રેષ્ઠ ગીત નાટુ નાટુ અને શ્રેષ્ઠ વિદેશી ભાષાની ફિલ્મ માટે ક્રિટીક્સ ચોઈસ એવોર્ડ 2023 મળ્યો છે.
આ પણ વાંચો:Ipa Awards : ગુજરાતી બાળકલાકાર ભાવિન રબારીનો ડંકો વાગ્યો, અમેરિકામાં મેળવ્યો મોટો એવોર્ડ
રાજામૌલી કરણ જોહરનો વાર્તાલાપ:ઉજવણીઓ વચ્ચે મુંબઈમાં RRR ઇવેન્ટનો એક વાયરલ વીડિયો ખૂબ ચર્ચામાં છે. જેમાં કરણ જોહર ડિરેક્ટર રાજામૌલીને ફરિયાદ કરે છે કે, જ્યારે તે બાહુબલી અને બાહુબલી 2ના પ્રસ્તુતકર્તા હતા. ત્યારે તેને RRRમાંથી કેમ કાઢી મૂકવામાં આવ્યો હતો. રાજામૌલીએ પેન સ્ટુડિયોના જયંતિલાલ ગડાને RRRના પ્રસ્તુતકર્તા તરીકે પસંદ કર્યા. ઈવેન્ટમાં કરણે જાણીતા ફિલ્મ નિર્માતાને પૂછ્યું કે, ''શા માટે તેણે તેને RRRના હિન્દી વર્ઝનના અધિકારો આપ્યા નથી, જ્યારે તેણે તેની અગાઉની બે ફિલ્મો (બાહુબલી, બાહુબલી 2)ના હિન્દી વર્ઝન રજૂ કર્યા હતા.'' રાજામૌલીએ કહ્યું કે, ''ધર્મા પ્રોડક્શન્સે બે બાહુબલી ફિલ્મો દ્વારા કરોડોની કમાણી કરી, પરંતુ બદલામાં તેમને કંઈ આપ્યું નહીં.''
રાજમૌલીએ આપ્યો જવાબ: જ્યારે કરણે કહ્યું કે તે "દુઃખ અને અસ્વસ્થ" છે. કારણ કે, તેને RRRમાંથી "બહાર ફેંકી દેવામાં આવ્યો હતો", બાહુબલી ડિરેક્ટરે જવાબ આપ્યો, "મેં તમને બાહુબલી ફિલ્મોના પ્રસ્તુતકર્તા બનવા માટે કહ્યું હતું. તેમાંથી તમે કરોડો રૂપિયા કમાયા. જ્યારે કોઈ નિર્માતા આટલા પૈસા કમાય છે, સામાન્ય રીતે ડિરેક્ટર તરીકે, હું કેટલીક ભેટોની અપેક્ષા રાખું છું, સર. અને તમે મને શું આપ્યું ? તમે તમારા ટોક શો માટે બોલાવ્યા. તમે મને ફોન અને બ્લૂટૂથ સ્પીકર આપ્યા અને તમને RRRના હિન્દી અધિકારો જોઈએ છે.'' રાજામૌલીએ સ્મિત સાથે આગળ કહ્યું, “સર, જયંતિલાલ સરને જુઓ, તેમણે મને RRRની સફળતા પછી બાંદ્રામાં સમુદ્ર તરફના ફ્લેટનું વચન આપ્યું છે. તમારા ઘરની બાજુમાં જ. તમને જાણીને આઘાત લાગશે કે મારા નિર્માતા ડી.વી.વી. ધાનૈયાએ મને શું વચન આપ્યું છે. જ્યુબિલી હિલ્સમાં 1 એકર પ્લોટ.''
આ પણ વાંચો:બેશરમ રંગના સમર્થનમાં બહાર આવી આશા પારેખ, જાણો કયા સ્ટાર્સે આપ્યું સમર્થન
ગીત નાટુ નાટુ ફરી જીત્યું: અગાઉ લોસ એન્જલસમાં 80માં ગોલ્ડન ગ્લોબ એવોર્ડ્સમાં SS રાજામૌલીની ફિલ્મ RRRએ ઈતિહાસ રચ્યો છે. અહીં ફિલ્મ RRR ના સુપરહિટ ગીત 'નાટુ નાટુ'એ બેસ્ટ ઓરિજિનલ સોંગનો એવોર્ડ જીત્યો અને સમગ્ર વિશ્વમાં ભારતનું ગૌરવ વધાર્યું. હવે ક્રિટીક્સ ચોઈસ એવોર્ડ્સ 2023માં એવોર્ડ જીતીને ફિલ્મ RRRએ ફરી એકવાર તેની છાતી પહોળી કરી છે.
